Memleket basşysy Qasym-Jomart Toqaev «Ädılettı memleket. Bırtūtas ūlt. Berekelı qoǧam» atty Qazaqstan halqyna Joldauynda memlekettık basqaru jüiesıne serpılıs qajet ekenın atap ötken bolatyn. Memlekettık qyzmet jüiesı – qanşa reformalasaq ta, bır jüiege kelmei jatqan kürdelı biurokratiialyq apparat. Ekonomikany reformalau üşın bızge käsıbi memlekettık qyzmet jüiesınıŋ kerektıgı anyq. Sondyqtan memlekettık basqaru salasyna da bäsekelestık qajet. Memlekettık qyzmetşı öz elındegı tıkelei mındetterın oryndaudan basqa, otbasynda, qorşaǧan ortaǧa, adamdarmen ortaq tıl tabysuǧa jäne jan-jaǧyna ülgı boluǧa tiıs. Bilıkke tyŋ oiy bar, jalyndap tūrǧan jastardy tartu qajet. Bügın bız Astana qalasy boiynşa memlekettık qyzmettegı jas mamandardy, olardyŋ atqaryp jatqan qyzmetterı men jetıstıkterı turaly bölısuge şaqyrdyq.
Aijan QUANYŞEVA, Astana qalasy Bılım basqarmasy qosymşa bılım beru jäne tärbie jūmysy bölımınıŋ bas mamany:
– Mamandyq taŋdau – är adamnyŋ ömırındegı maŋyzdy şeşımnıŋ bırı. Öitkenı būl taŋdau ömır boiy qandai ıspen ainalysatynyŋyzdy aiqyndap, bolaşaǧyŋyzǧa baǧdar beredı. Ärine, mamandyq taŋdauda är adam özınıŋ qyzyǧuşylyǧyna, qabıletıne, beiımdılıgıne, qalauyna süienu kerek.
Bala künımdegı armanym – memlekettık qyzmetker bolu. Memlekettık qyzmet – būl barlyq memlekettık basqarudy ūiymdastyrudaǧy jetekşı röldı atqaratyn memleket jüiesınıŋ eŋ maŋyzdy tetıgınıŋ bırı. Kez kelgen qoǧam memlekettık basqarusyz, iaǧni memlekettık qyzmetkersız äreket etuı mümkın emes. Bilıkke degen senım qazırgı qoǧamnyŋ talaptaryna sai memlekettık qyzmetkerden bastalady.
Bügıngı taŋda Astana qalasy Bılım basqarmasy qosymşa bılım beru jäne tärbie jūmysy bölımınıŋ bas mamany bolyp qyzmet etemın. Jas memlekettık qyzmetker retınde memlekettıŋ güldenuıne öz ülesımdı qosyp jürgenımdı maqtanyş sezınemın.
Öz elımnıŋ güldenu jolynda qyzmet etu – men üşın ülken maqtanyş jäne abyroi. Memlekettık qyzmet qaşan da mınsız boluy tiıs. Sebebı eldıŋ erteŋı jastarǧa bailanysty. Bır sözben aitqanda, bilık pen qarapaiym halyq arasyn jalǧaityn altyn köpırge ainaluy tiıstı. Bügınde memlekettık saladaǧy mamandardyŋ bılım-bılıktılıgınen būryn adamgerşılık asyl qasiet pen ananyŋ sütımen keletın tälım-tärbienı de talap etetını anyq. Menıŋ oiymşa, memlekettık qyzmetker tek bılımdı ǧana emes, joǧary moraldyq jauapkerşılık pen öz ısıne degen ädıldık, adaldyq, adamgerşılık qasietterı qaǧidalardy qataŋ ūstanǧanda ǧana eldıŋ erteŋı nūrly bolady.
Azamat MAMİROV, Astana qalasynyŋ Aktivter jäne memlekettık satyp alu basqarmasy biudjettık investisiialyq jobalar boiynşa memlekettık satyp alular räsımın ötkızu bölımınıŋ bas mamany:
– Memlekettık qyzmetke universitettı bıtırgen soŋ, iaǧni 2020 jyly keldım. Men mūny jüregımnıŋ qalauy dep bılemın. Universitet qabyrǧasynda oqyp jürıp, QR Bas prokuraturasynyŋ Qūqyqtyq statistika jäne arnaiy esepke alu jönındegı komitetınde, QR Parlamentınde oqu täjıribesın ötken kezde memlekettık qyzmetker bolamyn dep şeştım. Būl maǧan ülken täjıribe boldy. Men konkurstan oŋ nätije alyp, alǧaş ret äkımşılık memlekettık qyzmetker atandym. Men memlekettık qyzmette jūmys ıstei otyryp, öz oiymdy 180 gradusqa özgerttım. Nege deseŋız, memlekettık qyzmetke kelmes būryn men memlekettık qyzmetke tek tanystyqpen keledı dep oilaǧan bolatynmyn. «Qūlaqpen estıgenge emes, közben körgenge sen» degen sözdıŋ jüz paiyz dūrys ekenıne közım jettı. Memlekettık qyzmet – naǧyz qainaǧan qazan ortasy. Memlekettık qyzmet – halyqpen tyǧyz bailanys ornatatyn orda.
Memlekettık qyzmet degen, menıŋ tüsınıgımde – Otanǧa adal qyzmet etu. Jas äkımşılık memlekettık qyzmetker bola otyryp, elımnıŋ alpauyt memlekettermen iyq teŋestıre aluyna qyzmet etıp jürgenıme, özımnıŋ tamşydai bolsyn septıgımnıŋ tiıp jürgenıne quanamyn. Quanyşym özge adamdardy tüsınu, jūmysqa degen mahabbat, mol jauapkerşılıktı sezıne otyryp jūmys ısteu syndy qarapaiym qaǧidalarǧa süiengen. Būl qaǧidalardyŋ barlyǧyn öz qyzmetımnen tauyp ta jürgen janmyn.
Özımnıŋ jäne ärıptesterımnıŋ memleketımızdıŋ örkendeuıne qyzmet etıp jürgendıgı quantady. Memlekettık qyzmetker bolǧanym üşın maqtanamyn. Būl – menıŋ taŋdauym, būl – menıŋ jolym!
Sanjar İBRAİMOV, Astana qalasynyŋ Qūrylys basqarmasy zaŋ jäne memlekettık satyp alu bölımınıŋ jetekşı mamany:
– Qazırgı qoǧamda jastardyŋ memlekettık qyzmetke degen pıkırı ärtürlı. Köbı jeke käsıpker boludy, öz-özıne jūmys ısteudı nemese alpauyt korporasiiaǧa baryp mol tabys tabudy oilaidy. Men memlekettık qyzmettı taŋdadym. Osylaişa, elımızdıŋ igılıgı men müddesıne eŋbek etudı jön kördım. Memlekettık qyzmet – būl tūraqtylyq, erteŋge degen senım kepılı. Men öz jolymdy, bolaşaǧymdy dūrys taptym dep oilaimyn.
Jyl saiyn memlekettık apparattyŋ jūmys sapasy jaqsaruda, oǧan qosa memlekettık qyzmetkerge qoiylatyn talaptar da joǧarylauda, sondyqtan barlyǧy bızdıŋ joǧary käsıbilıgımız, janqiiarlyq eŋbek jäne taŋdaǧan ısımızge degen adaldyǧymyzǧa, patriotizm men belsendı azamattyq ūstanymymyzǧa bailanysty.
Qazaqstan bilıgı tarapynan qoldau körgen jastarymyz erteŋgı künı elımızdıŋ ekonomikalyq qozǧauşy küşı boluy äbden yqtimal. İä, elımızdıŋ jastary jan-jaqty, kreativtı ekenı dausyz. Endıgı jerde jas memlekettık qyzmetkerlerımızge Prezidentımız Q.Toqaevtyŋ «Ädılettı memleket. Bırtūtas ūlt. Berekelı qoǧam» atty Qazaqstan halqyna Joldauy tyŋ serpın berıp, jaŋa mümkındıkterdı ıske asyruǧa yqpal eterı anyq.
Qazaqstan Respublikasy
Memlekettık qyzmet ısterı agenttıgınıŋ Astana qalasy boiynşa departamentı
