Bügın Aqordada Qazaqstan Prezidentı Nūrsūltan Nazarbaev pen Resei Prezidentı Vladimir Putinnıŋ ekıjaqty kezdesuı öttı
Kezdesu barysynda memleketter basşylary keŋ auqymdy mäselelerdı, sonyŋ ışınde ekıjaqty yntymaqtastyqtyŋ damuynyŋ basty baǧyttaryn talqylady.
Būdan bölek, älemdık jäne öŋırlık kün tärtıbındegı özektı jaittar qarastyryldy.
Qazaqstan Prezidentı Reseidegı juyrdaǧy sailaudyŋ tabysty ötuı elde jürgızılıp jatqan tiımdı jūmystardyŋ nätijesı ekenın aitty.
– Sochide ötken forumda qol jetkızılgen kelısımderdı oryndau üşın elderımızdıŋ ükımetterı jemıstı jūmys jürgızdı. Bügıngı forumda ekı eldıŋ 900 biznesmenı kezdesetın bolady. Sondai-aq, Qazaqstan men Reseidıŋ körşıles öŋırlerınıŋ basşylary kelıssöz jürgızıp, nätijesınde qazırdıŋ özınde naqty uaǧdalastyqtarǧa qol jetkızıldı. Mūnyŋ bärı ekıjaqty qarym-qatynastyŋ joǧary deŋgeide ekenın däleldeidı, – dedı Memleket basşysy.
V.Putin körsetılgen qonaqjailyq üşın rizaşylyq bıldırıp, Qazaqstan men Resei qarym-qatynasy strategiialyq serıktestık pen odaqtastyqqa negızdelgenın atap öttı.
– Bız barlyq baǧyt boiynşa özara ıs-qimyl jasaimyz. Sızdıŋ bastamaŋyzben ötkızılıp otyrǧan öŋıraralyq forumǧa Qazaqstanmen bırlesıp tyǧyz jūmys jürgızetın Reseidıŋ 400 biznesmenı qatysady. Bügıngı forumnyŋ taqyryby öŋırdıŋ kölık-logistika infraqūrylymyn damytu üşın maŋyzdy ärı paidaly bolmaq, – dedı Resei köşbasşysy.
akorda.kz
