Elordada 238 sailau uchaskesı jūmys ıstedı
9 mausym künı elordada 238 sailau uchaskesı aşylyp, onda 3 myŋǧa juyq sailau komissiiasy jūmys ıstedı. Elbasy Nūrsūltan Nazarbaev Oquşylar saraiyndaǧy №58 uchaskede, Memleket basşysy Qasym-Jomart Toqaev «Astana Opera» teatryndaǧy №115 uchaskede, Parlament Senatynyŋ Töraǧasy Dariǧa Nazarbaeva Oquşylar saraiyndaǧy №58 uchaskede, Parlament Mäjılısınıŋ Töraǧasy Nūrlan Nyǧmatullin Ūlttyq kıtaphanadaǧy №111 uchaskede, Nūr-Sūltan qalasynyŋ äkımı Baqyt Sūltanov «Astana» konsert zalyndaǧy №138 uchaskede dauys berdı.
Japoniiadaǧy otandasymyz – eŋ bırınşı
Geografiialyq jaǧynan ornalasu erekşelıgıne bailanysty Tokio men Seuldegı sailau uchaskelerı eŋ bırınşı aşylǧan. Japoniianyŋ Vased universitetınde oqyp jatqan otandasymyz Iliias Qūrmanǧali alǧaşqy dauys beruşı retınde tırkeldı. Jalpy, būl künı şeteldegı 48 sailau uchaskesınde 8322 qazaqstandyq dauys bergen. Onyŋ arasynda qazır Ūlybritaniiada jürgen sportşymyz İlia İlin de bar.
Atamekenge oralǧandar alǧaş ret dauys berdı
Şetelderden atajūrtqa oralyp, Qazaqstannyŋ azamattyǧyn alǧan keibır qandastarymyz biylǧy sailauda alǧaş ret dauys berdı. Solardyŋ bırı – Qytaidyŋ Şyŋjaŋ ölkelık televiziiasynda 15 jyl boiy jurnalist bolyp qyzmet etken Quanyş Iliiasūly. Ol jary Mairamen bırge №136 uchaskege kelıp dauys berdı. «Būl kün bızdıŋ otbasymyzdaǧy ūmytylmas künderdıŋ bırı bolyp qalady. Sebebı bız basqa elde, basqaşa jüiedegı memlekette ömır sürdık» dedı qandasymyz.
Tūŋǧyş ret qatysqandarǧa syilyq tabystaldy
Biyl alǧaş ret dauys bergen elordalyq jastarǧa aituly künnen estelık retınde futbolka, kıtap, kepka sekıldı syilyq berıldı. Mäselen, S.Seifullin atyndaǧy Qazaq agrotehnikalyq universitetınıŋ studentı Aslan Asqardyŋ 18 jasqa tolǧan tuǧan künı Prezident sailauymen tūspa-tūs kelıptı. «Ärbır patriot öz elınıŋ bolaşaǧyna jauapty. Bügın maǧan alǧaş ret sailauǧa kelıp, öz taŋdauymdy jasaudyŋ mümkındıgı tudy. Qūrdastarymdy da özderınıŋ azamattyq mındetterın oryndauǧa şaqyramyn» dedı ol.
30 säbi düniege keldı
Sailau künı tüske deiın Nūr-Sūltan qalasynyŋ perinataldy ortalyqtarynda 30 bala ömırge keldı. Olardyŋ 15-ı – ūl, al 15-ı – qyz. «Dauys beruşıler taŋǧy saǧat 7.00-den bastap keldı. Bır saǧattyŋ ışınde 100-ge juyq adam dauys berıp ülgerdı. Olardyŋ ışınde qyzmetkerler de, jüktı äielder men bosanǧan analar da bar» dedı №2 perinataldy ortalyqta ornalasqan №208 uchaskelık sailau komissiiasynyŋ müşesı Dinat Qojekenov.
200 astanalyq volonter jūmyldyryldy
Elordalyq sailau uchaskesınde jalpy sany 200 astanalyq volonter jūmys ıstedı. Olar mümkındıgı şekteulı dauys beruşılerdı qarsy alyp, ǧimaratqa kırgızıp, qajet bolǧan jaǧdaida keŋesterın berdı. Mümkındıgı şekteulı azamattar üşın barlyq sailau uchaskesınde avtokölık tūraǧy, süienışter men pandustar, liftıler, taktildı körsetkışter, dauys beruge arnalǧan arnaiy kabinkalar siiaqty qajettı jaǧdailar jasaldy.
Sailau uchaskesınde nekelerın qidy
Sailau künı üilenu toiymen qabat kelgen elordalyq jas jūbailar da özderınıŋ azamattyq mındetterın oryndaudan qalys qalǧan joq. Miras Äbdıraxman men Jänel Berdalinova jūby tūp-tura toilarynyŋ aldynda №35 mektep-lisei ǧimaratynda ornalasqan №142 sailau uchaskesıne kelıp, öz dauystaryn berdı. Jastardyŋ aituynşa, üilenu toiynyŋ künı ädeiı sailau künımen orailastyrylyp belgılengen eken. Aitpaqşy, jastardyŋ neke qiiu räsımı de osy sailau uchaskesınde öttı.
Balalar da qyzyǧuşylyq tanytty
Sailau uchaskelerıne ata-anasymen ne eresek tuysymen bırge ılesıp kelgen balalardyŋ da sailau prosesıne erekşe qyzyǧuşylyq tanytqandary baiqaldy. «Keibır balalar ata-anasynan «Prezident boluǧa kımder qatysyp jatyr? Suretterı qaisy?» dep sūrap ta jatty. Olarǧa uchaskege kıreberıste ılulı tūrǧan ümıtkerlerdıŋ suretterın körsettık. Keibır baldyrǧandar anasymen ne äkesımen bırge sailau kabinasyna kırıp, olardyŋ toltyrǧan biulletenderın öz qoldarymen jäşıkke saldy» deidı astanadaǧy №142 sailau komissiiasynyŋ töraǧasy Talǧat Ahmedinov.
19 zaŋ būzuşylyq anyqtaldy
Elımızdegı sailau uchaskelerınde 19 zaŋ būzuşylyq oqiǧa tırkelgen. Bas prokurordyŋ orynbasary Bolat Dembaevtyŋ aituynşa, olar Nūr-Sūltan, Almaty qalalarynda, Almaty, Atyrau, Qyzylorda, Maŋǧystau jäne Türkıstan oblystarynda bolǧan. Zaŋ būzuşylyqtardyŋ qatarynda zaŋsyz ügıt jürgızu, bır adamǧa bırneşe biulleten beru, jäşıkke ekı-üş biulletennen salu sekıldı derekter bar. Mysaly, Prezidenttıkke kandidattyŋ bırınıŋ ügıt materialdaryn qasaqana zaqymdau faktısı boiynşa Nūr-Sūltan qalasynyŋ tūrǧynyna aiyppūl salyndy. Sondai-aq osy künı zaŋsyz narazylyq aksiiasyna qatysqan 500-dei adam (Nūr-Sūltan jäne Almaty qalalary boiynşa) ūstaldy. «Mūndai äreketke Qylmystyq kodekstıŋ baptary boiynşa prosessualdyq baǧa berıledı. Qarsylyq şarasyn ūiymdastyruşylar anyqtalyp, qataŋ jazaǧa tartylady. Elordadaǧy qaqtyǧysta üş polisei jaraqat alǧan» dedı Işkı ıster ministrınıŋ orynbasary Marat Qojaev.
