1991 jylǧy 1 jeltoqsanda, alǧaş ret jalpyhalyqtyq sailau ötıp, egemen Qazaqstannyŋ negızın saluşy – Nūrsūltan Nazarbaev tūŋǧyş ret Prezident bolyp sailandy. Qazaqstannyŋ saiasi jetıstıkterınıŋ qūrmetıne byltyrdan bastap 1 jeltoqsan «Qazaqstan Respublikasy Tūŋǧyş Prezidentı künı» bolyp jariialandy.
Astana qalasy ädılet departamentı
basşysynyŋ orynbasary:
Būl jaŋa memleket qalyptasuynyŋ ötpelı kezeŋınde senımdı basşyǧa öz taǧdyryn tapsyrǧan Qazaqstan halqynyŋ jauapty taŋdauy edı. Şyn mänınde, Elbasy Nūrsūltan Nazarbaevtyŋ saliqaly saiasatynyŋ arqasynda täuelsız Qazaq elı qalyptasyp, tarihymyz tügendelıp, tılımız, dınımız jäne dılımız qaita oralyp, memleketımızdıŋ ūlttyq rämızderı qabyldandy.
Memleket basşysy Aqordada ötken tılşılermen kezdesuınde: «Būl Nazarbaevtyŋ jeke merekesı bolyp tabylmaidy. 1991 jylǧy bırınşı jeltoqsanda Qazaqstan alǧaş ret damudyŋ jaŋa joly – prezidenttık basqarudy taŋdaǧan bolatyn. Būl jüie bükılhalyqtyq referendumda bekıtıldı. 1991 jyldan bastap memleket jetıstıkke jettı. Mıne, merekenı osyndai türde toilau qajet» degenı esımızde.
Täuelsızdık alǧan uaqyttan bergı qol jetkızgen jetıstıkterımız Tūŋǧyş Prezidenttıŋ atymen tıkelei bailanysty. Elbasynyŋ basşylyǧymen demokratiialyq qūndylyqtardy qūrmetteu, aşyq qoǧam qūru, adam qūqyn qorǧau men söz bostandyǧyn örkeniet örısıne sai qamtamasyz etu salalarynda auyz toltyryp aitarlyqtai tabystarǧa jettık.
Elımızdıŋ ekonomikasyn köterıp, halqymyzdyŋ äl-auqatyn arttyru, saiasi reformalar jürgızıp, basqarudyŋ tiımdı tetıkterın qalyptastyru baǧyttarynda da qomaqty şarualar atqaryldy. Respublikamyz qazırge deiın bırqatar halyqaralyq auqymdy şaralarǧa bastamaşy bolyp ülgerdı. Älemdık, öŋırlık deŋgeidegı qūrylymdardy ömırge äkeludıŋ köş basynda, ärine, Memleket basşysynyŋ özı jürdı. El ışındegı etnosaralyq tatulyq pen dınaralyq kelısım üderısterı özgelerge ülgı eterlıktei biık därejege köterıldı. Düniejüzılık, aimaqtyq qauıpsızdıktı qamtamasyz etu salasyndaǧy küş-jıgerımız de halyqaralyq qoǧamdastyq tarapynan laiyqty baǧasyn aluda. Älemnıŋ köptegen memleketterımen teŋ därejede dostyq, yntymaqtastyq ornattyq.
Aitalyq, 2010 jylǧy Qazaqstannyŋ EQYŪ-ǧa töraǧalyǧy «Senım. Dästür. Aşyqtyq jäne Tözımdılık» syndy jalpy qūndylyqtarǧa negızdeldı. Joǧary deŋgeide ötken sammit jūmysyna 56 eldıŋ memleket, ükımet jäne syrtqy saiasi vedomstvolarynyŋ basşylary qatysty.
2012 jylǧy 29 tamyzda Astanada «Iаdrolyq synaqqa tyiym saludan – iadrolyq qarusyz älemge» atty halyqaralyq konferensiia öttı. Meimandar jahandyq beibıtşılıktı jäne iadrolyq qauıpsızdıktı qoldau üşın Qazaqstan basşylyǧynyŋ jasaǧan naqty qadamdaryn atap öttı. Prezident N.Nazarbaevtyŋ tūraqty jäne qauıpsız älem qūru ısındegı rölı joǧary baǧalandy.
Al, 2017 jyly Astanada ötetın EHRO-2017 Ortalyq Aziia öŋırındegı ǧana emes, TMD aumaǧynda ötkızıletın alǧaşqy halyqaralyq körme bolmaq. Halyqaralyq «EXPO» körmesınıŋ Astanada ötkızıluı – jahan jūrtşylyǧynyŋ Qazaqstandy moiyndai bılgendıgınıŋ belgısı dep bılemın.
