BIýDJET ESEBI BEKITILDI
Qalalyq mäslihattyŋ kezekten tys, otyz törtınşı sessiiasynda Astana qalasynyŋ 2013 jylǧa arnalǧan biudjetınıŋ oryndaluy turaly esebı bekıtıldı.
Astana qalasy Qarjy basqarmasynyŋ basşysy Ruslan Dosaevtyŋ aituynşa, ötken jyldyŋ biudjettık saiasaty elordanyŋ damu baǧdarlamasyna jäne biudjettık baǧdarlama äkımşılerınıŋ strategiialyq josparlarynda bekıtılgen maqsattar men mındetterge qol jetkızuge baǧyttaldy.
2013 jyly jergılıktı biudjetke jospardan tys 4 802, 9 mln teŋge menşıktı kırıs tüsıp, menşıktı kırıster boiynşa jospar 103,5 paiyzǧa oryndalǧan. Atap aitsaq, salyq tüsımderı boiynşa jospar 105,0 paiyz nemese 5 751,8 mln teŋgege artyǧymen oryndaldy. Salyqtan tys tüsımder boiynşa jospardaǧy 7 378,8 mln teŋgenıŋ ornyna 9 628,8 mln teŋge tüsıp, jospar 130,5 paiyzǧa nemese 2 250,0 mln teŋgege artyǧymen oryndalǧan. Al, negızgı kapitaldy satudan tüsken tüsımder esebınen biudjetke 3 198,9 mln teŋge tüstı.
Ötken jyldardaǧydai, byltyr da biudjettıŋ tüsımderı negızınen äleumettık şyǧyndarǧa baǧyttalǧanyn jetkıze kele, basqarma basşysy soŋǧy bes jylda bılım beru, densaulyq saqtau, äleumettık kömek, mädeniet, sport, turizm salasyna jūmsalǧan qarajattardyŋ uaqtyly igerılgenın aitty. 2008 jyly atalǧan şyǧyndar üşın 60,1 mlrd teŋge jūmsalsa, 2013 jyly ol 99,5 mlrd teŋgenı qūrapty.
Ekonomikany tūraqtandyru boiynşa daǧdarysqa qarsy şaralar şeŋberınde respublikalyq biudjetten 8 481,6 mln teŋge alyndy. Onyŋ 2 512,5 mln teŋgesı «Biznestıŋ jol kartasy – 2020» baǧdarlamasy aiasynda jeke käsıpkerlıktı qoldau jäne industriialyq infraqūrylymdy damytuǧa, 506,2 mln teŋgesı jūmyspen qamtu qyzmetın, jeke tūlǧalardyŋ eŋbekaqy tölemın ışınara qarjylandyrudy, jastar saiasatyn jandandyru, käsıptık daiarlau, kadrlardy qaita daiarlau jäne bılıktılıgın arttyrudy, aqparattyq-tüsındırme jūmystaryn qamtamasyz etu üşın «Jūmyspen qamtu – 2020», «Biznestıŋ jol kartasy – 2020» ıs-şaralaryn ıske asyruǧa baǧyttalǧan. Al, 5 462,9 mln teŋge somasyndaǧy kredittık qarajat «Qoljetımdı tūrǧyn üi – 2020» baǧdarlamasyn ıske asyruǧa, tūrǧyn üi qūrylysy jinaq jüiesı arqyly tūrǧyn üi saluǧa nemese satyp aluǧa bölındı.
Odan ärı memleket mūqtajy üşın jer uchaskelerın aluǧa bailanysty jer uchaskelerın nemese jyljymaityn özge mülıkterdı satyp alu turaly şarttardyŋ jobalary kelısılıp, Astana qalasy mäslihatynyŋ 2012 jylǧy 6 mausymdaǧy «Astana qalasynyŋ äleumettık maŋyzdy baǧyttarynyŋ tızbesın bekıtu turaly» şeşımıne tolyqtyrular, sondai-aq, qalalyq mäslihattyŋ tūraqty komissiiasynyŋ qūramyna özgerıster engızıldı.
Gülbarşyn ÖKEŞQYZY