Sol kezde Selinograd qalasynyŋ ortalyq alaŋynyŋ körınısı däl osyndai bolǧan. Onyŋ eskı fotosuretı jasandy intellekt algoritmderı arqyly qalpyna keltırıldı.
Qazırgı elordanyŋ Kenesary köşesı men Abai köşesınıŋ ortasyndaǧy būl jer ol jyldary V.İ.Lenin atyndaǧy ortalyq alaŋ dep atalatyn. Surettegı biık ǧimaratta Keŋester üiı beinelengen. Būl jer sol tūsta Tyŋgerler saraiy, «Esıl» jäne «Mäskeu» qonaq üilerınıŋ ǧimarattary ornalasqan qalanyŋ basty audany sanalatyn.
Qalalyqtardyŋ aituynşa, Keŋester üiınıŋ qataryndaǧy ortalyq ämbebap düken būryn da däl osyndai tüstı bolǧan körınedı.
Eskı surette körsetılgendei, ötken jyldarda ortalyq alaŋnyŋ boiymen qoǧamdyq kölık qatynaǧan eken.
Derekköz: Qazaqstan Respublikasy Kinofotoqūjattar men dybys jazbalarynyŋ Ortalyq memlekettık mūraǧaty.
