DAǦDARYS BASPANASY QORLYQTAN QŪTQARA MA?
«Astana qalasy äkımdıgınıŋ zorlyq-zombylyqtyŋ nemese zorlyq-zombylyq qaupı saldarynan qiyn jaǧdaiǧa tap bolǧan adamdarǧa arnalǧan daǧdarys ortalyǧy-baspanasy» öz üiınde qorlyq köretın äielder men balalardyŋ uaqytşa bolsa da jan jūbatar jerı bolyp otyr. Ortalyqtyŋ aşylǧanyna üş jylǧa juyq öttı. Astana äkımdıgınıŋ qaulysymen 2013 jyly mamyrda aşylyp, osy jyldyŋ soŋynan jūmysyn bastaǧan edı.
Būl bölek salynǧan ǧimarat, bırneşe jatyn bölmelerı, äleumettık, medisinalyq, psihologiialyq qyzmet körsetıletın arnaiy oryndary taǧy bar. Mūnda aşylǧaly berı jüzge tarta äielge, ekı jüzge taman balaǧa qyzmet körsetılgen. Jyl basynan berı 41 balaly äiel uaqytşa tūryp jatyr.
Äiel qūqyqtaryn qorǧau, äleumettık-ekonomikalyq jaǧdailaryn jaqsartu, qiyn jaǧdaiǧa tap bolǧan näzık jandylardy tyǧyryqtan alyp şyǧyp, der kezınde keşendı kömek qolyn beretın memlekettık mekeme – ortalyq qyzmetın rizaşylyqpen aituǧa tūrarlyq. Jaǧdaiattyŋ ekınşı jaǧyna kelgende, ekı adamnyŋ arasyndaǧy, ärı ketse äulettıŋ ortasynda şeşıletın tüiınnıŋ memleket aralasatyn keselge ainalǧany da oilandyrady.
Astanalyq zorlyq-zombylyq qūrbandaryna arnalǧan ortalyqtyŋ aşyluynyŋ maŋyzy zor. Elorda boi kötergelı ışkı migrasiiaǧa jan bıtıp, jastardyŋ denı Astanaǧa bet aluda. Al köptegen otbasylardyŋ auyldaǧysy – qalaǧa, qaladaǧysy – elordaǧa köşın tüzep, jaŋa jerde jaqsy ömırdı közdegenderı qanşama. Alaida, mūnda kelgenderdıŋ bärı bırdei baspanaly bolyp, ä degennen jaǧdaiy tüzelıp kete qoiǧan joq. Päterden-päterge köşıp, kündelıktı tūrmys tauqymetı azdai, älı ornyqpaǧan şiettei jas balalarynyŋ jaiy qosylsa, jyǧylǧanǧa jūdyryq bolatyny sözsız. Qai ūrystyŋ da arty jaqsylyqqa aparmaidy. Qara küşıne sengen erkektıŋ mysyn basar aǧaiyny alysta, äieldıŋ aqyl qosar abysyny janynda joq. Kürdelı jaǧdaida jalǧyz qalyp janūşyrǧan jannyŋ barar jerı osy ortalyq bolyp otyrǧany aitylǧan derekter sözımızge dälel bolady.
«Kün saiyn senım telefonyna kem degende ekı-üş äiel habarlasyp jatady. Bızge habarlasqandardyŋ köbısı zaŋgerdıŋ, psihologtyŋ keŋesın alady. Belgılengen tärtıp boiynşa ortalyqqa kelgen äiel bır täulıkten bastap sot arqyly barlyq mäselelerın tolyq şeşkenge deiın bola alady. Merzımnen şekteudıŋ qajettıgı bar. Sebebı, olardy äleumettık qorǧau oryndaryna artyq salmaq salǧyzbai, az uaqyttyŋ ışınde mäselelerın şeşıp aluyna müddelımız. Mūnda kelgenderge bır sätke bolsa da keŋ tynystap, jaqsy men jamandy köŋıl tarazysynan ötkızuge mol mümkındık beremız. Bız, eŋ aldymen äieldıŋ özıne senımı artyp, ömırden öz ornyn tauyp, batyl qadam jasauyna bar küşımızdı salamyz» deidı ortalyqtyŋ äleumettık qyzmetkerı Gülnar Älıbaeva.
Ortalyqtyŋ jūmysymen jaqyn tanysu üşın onyŋ tūrǧyndarymen söilesuge tura keldı. Ärine, jaqynynan zäbır körgen jan özgege senımsız qarauy – zaŋdy. Sonda da suyrtpaqtap syr tartyp, bıraz närsege közımız jettı. Alqymyndaǧy qantalaǧan ekı qoldyŋ ızı ketpegen kelınşek tört balasymen tüsıptı. Küieuı araqqa salynbaǧan, jönsız ūrys-kerıske de joq eken, bıraq… qūmar oiynǧa qūlqy ketken. Bar aqşany soǧan salady. Qarsy kelgen kelınşegın buyndyryp öltıre jazdapty. Jap-jas myna kelınşek «küieuım jaqsy, tek enem jat aǧymdy dınge engızıp, joldan taidyryp jür» dep bezıldeidı. Onyŋ da ekı balasy etegınen tartqylap, äkesı jaiynda aitylǧan äŋgımenı jaqtyrmaǧanyn bıldırıp tūr. Kelesı baiǧūstyŋ üstıne «alqaş» baiy kerosin qūiyp jatqan sätınde qaşyp qūtylypty. Onyŋ da erjetıp qalǧan ekı balasy bar. Bır kelınşek ötken jyldyŋ jazynda ortalyqty bır panalap ketken eken, küieuınıŋ «jazdym-jaŋyldym» degen sözıne senıp qaita qosylypty. Alaida, araǧa alty ai ötpei qaityp kelıptı. Endı bırjola aiyrylysudyŋ amalyn jasamaq. Onyŋ da artynda üş bala… Taǧy bır kelınşektıŋ osynda keluınıŋ sebebı bır basqa. Işıp kelse, balasynyŋ äkesı jalǧyz ūlynyŋ mazasyn alyp, «naǧyz erkekşe» tärbieleidı eken. Qolǧa tüs-
ken sypyrǧy eŋ jūmsaǧy… Araşa tüsken anasynyŋ körmegen qorlyǧy joq. Mıne, «Būlanty» köşesınde ornalasqan üidıŋ tūrǧyndarynyŋ jaiy osy, al közderı jäudıregen säbilerdıŋ taǧdyry qalai bolary taǧy belgısız.
Otbasy müşelerı syilastyq pen süiıspenşılıkke bölenbese, ol üidıŋ balasy otbasy qūndylyqtarynyŋ ne ekenın bılmei össe, onyŋ taǧdyry ne bolady? Basqa ruhani qūndylyqtardy qozǧamai-aq, qarapaiym tūrmystyq zorlyq-zombylyqtyŋ ne ekenın, onyŋ aqyry nege aparatynyn ekınıŋ bırı bılıp, eskerıp jür me?
Psihologtyŋ aituynşa, otbasynda almaǧan tärbie men meiırımnıŋ kemşındıgı köptı tyǧyryqqa tıreidı eken. Oqyǧan-
toqyǧany joq, eş daiyndyqsyz jaŋa ömırdıŋ jauapkerşılıgın sezınbei qadam jasaityndardyŋ aldy osy üidı panalap jür. Kez kelgen zorlyq-zombylyq jeke tūlǧany qūrdymǧa bastaidy. Jekelegen jandardyŋ qūqyǧynyŋ taptaluyna qoǧamnyŋ beijai qarmaitynyn Ortalyq jūmysynan baiqap, qorlyq körgenderdıŋ jıbergen qatelıkterınıŋ tüzeuıne atsalysqan jandarǧa alǧysymyzdy bıldırdık.
Aigül UAISOVA