Daniiar ESİN, Astana qalasy Dın ısterı basqarmasynyŋ basşysy: Dıni ädebietter arnaiy oryndarda ǧana satylady
– Äkımdık janynan qūrylǧan basqarma üş jyldan berı auqymdy jūmystardy atqaryp keledı. Sonyŋ bırı – destruktivtı dıni aǧymdardan zardap şekkenderge kömek körsetu. Atalmyş ortalyq osy uaqytqa deiın qandai jūmystar atqardy?
– Astana qalasy äkımdıgınıŋ Dın problemalaryn zertteu ortalyǧy däl osy mäselemen ainalysady. Mekeme zertteu, taldau jäne dıni jaǧdailardy boljau, jergılıktı tūrǧyndar arasynda aqparattyq-tüsındıru şaralaryn jürgızedı. Būǧan qosa, terıs piǧyldy dıni aǧymdardan zardap şekken adamdardy oŋaltyp, psihologiialyq jäne qūqyqtyq keŋes beredı.
Moiyndau kerek, soŋǧy kezderı jastar arasynda terıs piǧyldy aǧymnyŋ soŋyna erıp ketkender kezdesedı. Bır otbasynda ömır sürse de, dästürlı dınnıŋ jıgınen ajyrap, tūrmystyq tüsınıspeuşılıkke ūrynyp jatqandar da bar. Būl – qoǧam üşın qauıptı. Jyl basynan bastap dıni aǧymdardan zardap şekkenderge kömek körsetude psihologiialyq treningter, toptyq keŋes beru, psihoterapiialyq jūmystar, meditativtı tehnikalar jäne otbasy terapiiasy jürgızılude. Psihologiialyq treningke jeke azamattarmen qatar otbasylar da qatysuda.
– Jalpy, Astanada qanşa dıni bırlestık bar? Olardyŋ jūmysy qalai baqylanady?
– Astana qalasynda resmi türde tırkelgen 14 konfessiiadan tūratyn 49 dıni bırlestık jūmys ısteidı. Ruhani bılım berumen ainalysatyn Astana medresesı bar. Qazaqstan Respublikasy «Dıni qyzmet jäne dıni bırlestıkter turaly» zaŋyna säikes aqparattyq-tüsındıru jūmystary tūraqty jürgızıledı.
– Dıni aqparattyq materialdar būdan bylai kez kelgen jerde satylmaitynyn bılemız. Qoǧamdyq oryndarda taratylatyn dıni kıtaptarǧa tosqauyl jürgızıle me?
– Qoldanystaǧy erejege säikes, dini maqsattaǧy ädebiet pen nasihat paraqtaryn tek ǧibadat üilerınde, dıni bilim beru ūiymdarynda, sondai-aq oblystardyŋ, respublikalyq maŋyzy bar qalalardyŋ jäne Astananyŋ jergilikti atqaruşy organdary arnaiy belgılegen tūraqty üi-jailarda taratuǧa ǧana jol berıledı. Astana qalasynda da arnaiy oryndarda ǧana satyluǧa rūqsat.
– Iаǧni, dıni maqsattaǧy ädebietter elordanyŋ qai jerınde taratylady?
– Äkımdıktıŋ arnauly qaulysy bar. Ony taratu üşın arnaiy tūraqty 8 üi-jaidyŋ tızımı bekıtılgen. Olar «Horeka», «Ekonomiks», «Knijnik», «Put k sebe», «İP Voronenko», «Şam Şarif» jäne dıni naqyştaǧy būiymdar satumen ainalysatyn «Mir Zolota» dükenı.
Eger dini mazmūndaǧy kıtaptar qalanyŋ rūqsat etılmegen oryndarynda satylsa, mındettı türde şaralar qoldanylady. Iаǧni, qoldanystaǧy zaŋda «Dıni qyzmet jäne dıni birlestikter turaly» zaŋ talaptaryn būzǧany üşın jeke tūlǧalarǧa elu ailyq eseptık körsetkış mölşerınde, lauazymdy adamdarǧa jäne dıni birlestikterdıŋ basşylaryna jüz ailyq eseptık körsetkış mölşerınde aiyppūl salynady. Al zaŋdy tūlǧalarǧa qyzmetın üş ai merzımge toqtata tūryp, ekı jüz ailyq eseptık körsetkış mölşerınde aiyppūl töletu közdelgen. Mūnyŋ bärı dın salasyndaǧy zaŋdylyqty qamtamasyz etu jäne qūqyq būzuşylyq körınısterınıŋ aldyn alu maqsatynda qolǧa alynǧan. 2016 jyldyŋ üşınşı toqsanynda 4 äkımşılık qūqyq būzuşylyq anyqtaldy. 2 äkımşılık ıs boiynşa sot şeşımı şyqty.
– Jastardyŋ jat aǧymnyŋ jetegıne ketpeuı üşın aqparattyq-nasihat jūmystary öŋırlerdıŋ bärınde qolǧa alyndy. Naqty qandai jūmystar atqaryldy?
– Astana qalasy äkımdıgı janynan qūrylǧan Aqparattyq-tüsındıru tobynyŋ qūramy jaŋartyldy. 2015 jyly 39 adam bolǧan bolsa, biyl 101 adamǧa deiın köbeitıldı. Onyŋ qūramynda teologtar, dıntanuşylar, äleumettanuşylar, saiasattanuşylar jäne memlekettık qyzmetkerler bar.
Naqty jūmystarǧa keler bolsaq, basqarma tarapynan 396 ıs-şara ūiymdastyrylyp, oǧan 37 434 adam qatysty. Būl boiynşa 88071 aqparattyq material tartyldy. Kezdesu medisina ortalyqtarynda, memlekettık jäne äskeri mekemelerde, qūrylys alaŋdarynda, meşıtterde, qylmystyq atqaru jüielerınde, PİK ökılderınde jäne taǧy basqa oryndarda ūiymdastyryldy.
– Astana qalasy Dın ısterı jönındegı basqarmasy el Täuelsızdıgınıŋ 25 jyldyq mereitoiy qarsaŋynda Ruhani kelısım künıne arnalǧan «Astana – beibıtşılık pen kelısım qalasy» atty älemdık dınder festivalın ötkızbekşı eken. Osy jönınde tarqatyp aitsaŋyz..
– Atalǧan festivalge qalamyzda resmi tırkelgen 49 dıni bırlestık jäne etnomädeni ortalyqtardyŋ ökılderı, qoǧam qairatkerlerı men belsendı jastar qatysady. Maqsaty – konfessiiaaralyq jäne ūltaralyq qatynasty nyǧaitu. Is-şara osy qazan aiynda Beibıtşılık jäne kelısım saraiynda ötedı.
Gülmira AIMAǦANBET
