Astanada halyqty sapaly däri-därmekpen qamtamasyz etu, jalpy otandyq farmasevtikanyŋ jai-japsary talqylanǧan maŋyzdy mäjilis ötti. «Nūr Otan» halyqtyq demokratiialyq partiiasy Astana qalasyndaǧy «Birlik» filialy bastamaşy bolǧan jiynǧa «Samūryq Qazyna» äl-auqat qoryna qarasty «Farmasiia» JŞS-niŋ atqaruşy direktorlary, basqarma müşeleri Erkin Däuitbaev pen Berik Şäripov, elordadaǧy «Ädilet» tūtynuşylar qūqyǧyn qorǧau qoǧamynyŋ töraǧasy Qabyken Zakariianov, sondai-aq, Densaulyq saqtau ministrliginiŋ jauapty qyzmetkerleri qatysty.
Döŋgelek üstel basyna jinalǧan mamandar Astanadaǧy däri-därmek ahualyna, halyqty qamtamasyz etudegi kei mäselelerge toqtaldy.
Jiyndy jürgizgen «Nūr Otan» HDP Astana filialy «Birlik» ūiymy saiasi keŋesiniŋ müşesi Smaǧūl Rahymbek salamatty ömir saltyn qalyptastyrudyŋ maŋyzyna toqtalyp, halyq densaulyǧyn qadaǧalau – memleket aldyndaǧy mejeli mindet ekenin basyp aitty.
Mäselen, ötken jyly zeinet jasyndaǧylarǧa jäne auyr syrqattarǧa tegin bölinetin däri-därmek jetispeuşiligi sezilgen. Sondai-aq, «Ädilet» tūtynuşylar qūqyǧyn qorǧau ūiymynyŋ töraǧasy Qabyken Zakariianovtyŋ aituynşa, elordadaǧy däri-därmek baǧasy şaryqtap tūr. Sondyqtan joǧarydaǧy mekemeler Densaulyq saqtau ministrligimen birlesip qaladaǧy auruhanalar men emhanalarda sapaly äri tūraqty baǧamen qamtamasyz etetin därihana aşu qajettigin alǧa tartty. Būl oraida, «Birlik» filialy aqparattyq-nasihattyq tobynyŋ müşesi Vasilii Maslov däri-därmek saqtaityn qoimalardyŋ jaiyna toqtaldy. Mūndai qoimalar qalada bar, biraq, azdyq etedi. Äri ondaǧy tehnologiianyŋ da tozyǧy jetken.
Bir quanarlyǧy – otandyq farmasevtikanyŋ ülesi büginde 50 paiyzǧa juyqtaǧan. Sondyqtan memleket halyqty däri-därmekpen qamtamasyz etumen qatar, tegin medisinalyq qyzmettiŋ auqymyn da keŋeitudi közdep otyr. Eŋ basysy, otandyq farmasevtikany damytuǧa qoldau berilip otyr.
Būǧan bailanysty «Farmasiia» JŞS-niŋ basqarma müşesi, atqaruşy direktory Erkin Dauytbaev elde salynatyn farmasevtikalyq zauyttardyŋ sapasyna erekşe män berilip otyrǧanyn aitty. Ol sonymen qatar «Otandyq tauarlar halyqaralyq standartqa sai öndiriletin bolady. Sondyqtan, olardyŋ himiialyq qūramy da, sapasy da europalyq tauardan kem tüspeidi» dep atap ötti.
Serikgül SŪLTANQAJY
