Qala emhanalaryna medisinalyq kömek alu üşın kelgen adamdar aldymen nenı bılu kerek? Äsırese, belgılı auru boiynşa qabyldau jürgızetın mamannyŋ keŋesın alu üşın qanşa uaqyt kütu kerek jäne nelıkten emhanalarda ūzyn-sonar kezek paida bolady? Osy mäselege orai Nūr-Sūltan qalasyndaǧy №4 emhananyŋ medisinalyq kömek körsetu sapasyn baqylau qyzmetınıŋ basşysy Gülnar ÄZIMJANOVA aityp berdı.
– Älemdık densaulyq saqtau salasy josparly türde jūmys ısteuge köşıp jatyr. Sondyqtan därıgerler aldyn ala jazylu boiynşa qabyldaidy. Sol siiaqty tötenşe jaǧdailarda ǧana därıgerdıŋ qabyldauyna jazylmai-aq baruǧa bolady. Konsultasiialyq-diagnostikalyq qyzmettı 10 künge deiın kütu – qalypty jaǧdai.
Qazır COVID-19 ındetı azaiǧan kezde emhanamyzda aiasy tar mamannyŋ qabyldauyna kıru üşın 3-4 kün, al keibır därıgerlerdı 8-9 kün kütu kerek. Eŋ ūzaq kütu – 10 kün, öitkenı jalǧyz ǧana onkologymyz bar. Qazır ekınşı onkolog ızdep jatyrmyz. Onkologtardy tabu öte qiyn. Pasientter aldyn ala jazylu boiynşa kelgen bolsa da, emhanada kezekke tūryp jatady. Mūndai jaǧdai ädette kezeksız, şūǧyl jaǧdaida qabyldau bolǧan künderı tuyndap jatady.
Sondai-aq eger därıger özge uchaskelerdegı nauqastardy qabyldasa nemese belgılı bır sebepterge bailanysty jūmysynda joq aiasy tar mamanǧa jazylǧanda bolady. Eger uchaskelık därıger densaulyǧyna bailanysty jūmysynda bolmasa, onda körşı uchaskenıŋ därıgerı qabyldaidy. Mobildı qosymşada basqa därıgerdıŋ qabyldauyna jazylu qoljetımdı ekenı körsetıledı. Eger nauqas därıgerge aldyn ala jazylyp, onyŋ jūmysynda joq ekenın bılmese, bölım meŋgeruşısıne jügınuı qajet. Sonymen qatar tırkeu bölımınıŋ qyzmetkerlerı uchaskelık därıgerge tırkelu kezınde kömek körsetedı.
Gülbarşyn ÖKEŞQYZY
