Därıgerler Elbasy muzeiın aralady
Jarty jyldan berı älemdı jailaǧan jūqpaly ındetpen küresıp jürgen elordalyq aq halatty abzal jandar Elbasy muzeiınıŋ jaŋa ǧimaratyn aralady.
Qaladaǧy ftiziopulmonologiia ortalyǧynyŋ direktory Anna Sepke bastaǧan medisina qyzmetkerlerın Elbasy kıtaphanasynyŋ direktory Ämırhan Rahymjanov qarsy alyp, «beibıt künnıŋ batyrlaryna» ainalǧan därıgerlerdıŋ jūmystaryna sättılık tıledı.
Jaŋa ǧimaratty aralau barysynda medisina mamandary elımızdıŋ damu jolymen tanysyp, Elbasynyŋ ömır joly men qyzmetı turaly mol aqparat aldy. «Qazaqstan-2030» strategiiasynda el azamattarynyŋ densaulyǧy, bılımı jäne äl-auqaty basty baǧyt retınde körsetılgen. Aq halatty abzal jandardy, äsırese «Dananyŋ dara joly» zalynda ornalasqan ärtürlı medisinalyq ortalyqtardan berılgen kädesyilar erekşe qyzyqtyrdy. Sondai-aq halqymyzdyŋ täuelsızdık jyldarynda qol jetkızgen jetıstıkterın baiandaityn qorytyndy şoudy tamaşalaǧan därıgerler «Qazaqstan maqtanyşy» zalyndaǧy interaktivtı alaŋdy aralap, «Mädeniet» bölımındegı ūlttyq aspaptardy körıp, kümbırlegen küi tyŋdady.