Qazaqstan mūsylmandary dıni basqarmasynyŋ janynan qūrylǧan respublikalyq aqparattyq-nasihat toby bırneşe kün būryn Astana qalasyna kelıp, dästürlı dınımızdı därıpteuge, jat aǧymdardyŋ taraluynyŋ aldyn aluǧa, ūlt qūndylyqtaryn nasihattauǧa kırısıp ketken-dı. Bes kün boiy elorda jūrtşylyǧymen kezdesıp, uaǧyz-nasihat jürgızgen top müşelerı jūmystaryn qorytyndylady. «Äzıret Sūltan» meşıtınde baspasöz mäslihatyn ötkızıp, şarualarynyŋ jai-küiın baiandady.
Jiyndy top müşesı, dıni basqarmanyŋ bölım meŋgeruşısı, teolog Erşat Oŋǧarov aşyp, söz söiledı. «Astanalyq jamaǧatpen jüzdesude 24 nysandy qamtydyq. Uaǧyz-nasihatymyzdy jalpy sany 17 myŋnan asa adam tyŋdady. Top müşelerı ūlttyq qūndylyqtarymyzdy ūlyqtauǧa, dın men dästür sabaqtastyǧyna tereŋ män bergenın aitqym keledı» dedı E.Aǧybaiūly.
Almaty qalalyq ortalyq meşıtınıŋ naib-imamy, aqparattyq-nasihat tobynyŋ bır müşesı Oralhan Seidmanov mūndai şaranyŋ qatarymyzdy arttyruǧa, dınımızdıŋ qanaty keŋeiuıne, ahualdyŋ tūraqtana tüsuıne septıgın tigızerı sözsız ekenın äŋgımeledı.
Baspasöz mäslihaty barysynda juyrda ǧana qūrylǧan jergılıktı uaǧyz-nasihat tobynyŋ jūmystary da talqylandy. Būl turasynda «Nūr-Astana» ortalyq meşıtınıŋ naib-imamy Tölebi Ospan habarlady. «Bas qaladaǧy igı bastamany ūiymdastyruǧa Bılım basqarmasy men Dın ısterı agenttıgı qol ūşyn sozdy. Şara aiasynda bügıngı deiın qyryqqa juyq oqu ornyna bas sūǧyp, 5000-ǧa juyq tyŋdarmanǧa uaǧyz aittyq» dedı naib-imam.
Jiyn soŋynda BAQ ökılderı top müşelerıne saualdaryn qoiyp, jan-jaqty jauap aldy.
Ashat Raiqūl
