Biyl da elordada köpbalaly, az qamtylǧan otbasylardan şyqqan jäne mümkındıgı şekteulı ūl balalardyŋ mūsylmandyq paryzyn öteuge arnalǧan «Sündet-2020» şarasy ötkızıldı. 21-22 tamyzda ötken şara barysynda mamandar 100 balany tegın qyzmetpen qamtydy.
Mūsylman ädet-ǧūrpyn elordalyq qoǧamdyq Densaulyq saqtau basqarmasynyŋ basşysy Timur Mūratovtyŋ özı bastap berdı. Eŋ alǧaş bolyp ol 3 jasar Aŋsar esımdı astanalyq balany sündetke otyrǧyzdy. Hirurgiialyq räsımnen keiın Aŋsardyŋ ata-anasyn ūldarynyŋ naǧyz erjıgıt boluymen qūttyqtady.
– Sündetke otyrǧyzu mūsylman otbasynan şyqqan är ūl bala üşın eseiudıŋ eŋ alǧaşqy kezeŋı dese de bolady. Balany sündetke otyrǧyzyp, quanyşyn elmen bölısu ata-ananyŋ paryzy bolyp esepteledı. Jürgızılgen medisinalyq zertteu jūmystary sündetteudıŋ er adamnyŋ densaulyǧy üşın köptegen paidasy baryn däleldedı. Mıne, bügın №2 qalalyq balalar auruhanasyndaǧy 6-operasiia bölmesınde 2-3 baladan qabyldanyp, er balalar sündetke otyrǧyzyluda, – dedı basqarma basşysy.
Äigerım esımdı ana aksiia barysynda jalǧyz ūlyn sündetteuge äkeldı.
– Osy şarany qoldaǧan qala basşylyǧyna, därıger mamandarǧa alǧys bıldıremın. Biyl oida jürgen şarua edı. Sebebı ūl balany taq sandaǧy jasta sündetteidı. Biyl ūlymyz üşke toldy. Neǧūrlym erterek sündettelse jaqsyraq bolady, tez jazylady dep estıdık, – deidı ol.
Bügınde şaraǧa qatysatyn balalardyŋ tızımı elorda äkımdıgı jäne «Nūr Otan» partiiasymen bırge jasalyp qoidy. Qoǧamdyq densaulyq saqtau basqarmasy ökılderınıŋ mälımdeuınşe, mūndai şaralar aldaǧy uaqytta da dästürlı türde jalǧasyn tappaq.
