– Partiianyŋ 20 jyldyq mereitoiymen qatar kelgen «Nūr Otan» partiiasynyŋ kezektı XVIII sezınde Nūrsūltan Nazarbaev bükıl halqymyzdyŋ eren eŋbegınıŋ, yntymaǧynyŋ arqasynda qol jetken jetıstıkterge toqtalyp, halyqqa alǧysyn bıldırdı. Osy jyldary Qazaqstanda äleumettık maŋyzy zor jaŋa infraqūrylymdy qalyptastyruǧa köp män berılgenın atap öttı. Jaŋa mektepter men mektep jasyna deiıngı mekemelerdı aitpaǧanda, 1400 zamanaui auruhana, emhanalar men ambulatoriialar salynǧan.
Elbasynyŋ «Men halyqtyŋ bolaşaqta emes, qazır baqytty bolǧanyn qalaimyn» degen sözı sailauşylardyŋ asyl mūratymen ündesıp jatqandai äser aldym. Prezident: «Elımızdıŋ ärbır tūrǧyny bılımdı bolumen qatar denı sau boluy tiıs. Tūrǧylyqty jerıne qaramastan, sapaly densaulyq saqtauǧa qoljetımdılıktı qamtamasyz etu qajet. Otandyq medisina eŋ aldymen aldyn aluǧa jäne salauatty ömır saltyn yntalandyruǧa baǧyttaluy tiıs. Qoǧamdyq densaulyq saqtau, alǧaşqy medisinalyq-sanitarlyq kömek qyzmetterınıŋ şyǧystary densaulyq saqtaudyŋ jalpy qarjylandyryluynyŋ 40 paiyzynan 60 paiyzǧa deiın arttyryluy qajet» dedı.
Elorda medisina salasynyŋ ökılı retınde būl qadamnyŋ artynda densaulyq saqtau salasynyŋ jaŋa tynysy aşylady dep oilaimyn. Qarjylandyru qajet dep tabylǧan alǧaşqy medisinalyq-sanitarlyq kömek qyzmet osy künı de körsetılıp keledı. Tek qana fertildı jastaǧy äielderdıŋ jaǧdaiynan basqa, aiaǧy auyr äielderge tegın medisinalyq kömek körsetıluı – osynyŋ belgısı. Aldaǧy uaqytta būl qyzmettıŋ sapasy artatyn bolady dep senemın.
Memleket basşysy: «Mūny būrynnan aityp kelemız. Medisinany adamǧa bır qadam jerge deiın jaqyndatu qajet. Būl – öte maŋyzdy mäsele. Sol sebeptı densaulyq saqtaudyŋ osy mındetterın jüzege asyru üşın şamamen 120 mlrd teŋge böludı tapsyramyn. Men aitqan tapsyrmalar oryndalsa, onda nätijesınde jylyna şamamen 100 myŋ pasientı bar 7 öŋırdegı stasionarlyq-medisinalyq kömek sapasy jaqsaratyn bolady» dedı. Rasynda, Astanaǧa kelıp emdelıp jatqan ärbır besınşı nauqas elımızdıŋ özge aimaqtarynan keledı. Būl köptegen qiyndyqtardy tuyndatady. Eger de tek qana elordamyzda emes, barlyq jerdegı medisina mekemelerınıŋ bazasy nyǧaiyp, käsıbi bılıktı mamandary jetılıp jatsa, köp özgerıster bolyp, elorda medisinasynyŋ avangardtyq jauapkerşılıgı bıraz jeŋılder edı. Elbasy öz sözınde osyny eskerıp, negızgı baǧytty aiqyndaǧan.
Şūǧylajan ESIMBAEVA,
Astana qalasy, №2 perinataldyq
ortalyǧy bas därıgerınıŋ orynbasary
