Astana qalasy densaulyq saqtau basqarmasy ökılderı qala tūrǧyndarymen kezdesu ötkızdı. Jiynnyŋ basynda «Astana – adaldyq alaŋy» keŋse-jobasy jetekşısı Jazira Jylqyşieva söz alyp, jaŋa jobany tanystyrdy.
Baiandamaşy medisina salasyndaǧy äkımşılık kedergılerdı joiu, qoǧamdyq baqylaudy keŋeitu siiaqty mäselelerge köŋıl bölıp, qala tūrǧyndaryna qoljetımdı, qyzmet sapasyn ūsynu qajettıgın ortaǧa saldy.
– Oilaǧan maqsatymyzǧa qol jetkızu üşın aldymen halyqqa qolaily, kedergısız jaǧdai jasau kerek. Būl ıste qyzmetkerlerdıŋ eŋbekaqysyn köteru, basşylardyŋ jeke jauapkerşılıgın arttyru, qoǧamdyq baqylau, memlekettık satyp aludyŋ aşyqtyǧy – qoǧamdaǧy jemqorlyq deŋgeiın tömendetedı. Özderıŋızden osy mındetke qatysty naqty ıs-josparlaryŋyz ben ūsynys-pıkırlerıŋızdı kütemız, – dedı Jazira Jylqyşieva.
Jiynnyŋ ekınşı bölıgınde Astana qalasy Densaulyq saqtau basqarmasy basşysynyŋ orynbasary Säule Mūqyşeva ahualǧa şolu jasady. Bügınde astanalyqtarǧa jüzden astam medisinalyq mekeme qyzmet körsetedı. Onyŋ ışınde basqarmaǧa qarasty 16 qalalyq
ambulatoriialyq-emhanalyq ūiym, 7 stasionarlyq medisinalyq mekeme, 3 perinataldyq ortalyq, 4 arnauly dispanser jäne 9 respublikalyq ǧylymi ortalyqtar bar. Būl salaǧa 11 myŋnan astam medisina qyzmetkerlerı jūmyldyrylǧan. Emdeu oryndaryna qaraludyŋ, därıger qabyldauyna tırkeludıŋ joldary jetıldırılıp, mümkındıgınşe qolaily jaǧdai jasaluda.
Aigül UAISOVA
