Bas qaladan şetkerırek ornalasqan eldı mekenderdıŋ tūrǧyndaryna arnalǧan dästürlı «Densaulyq joly» aksiiasy keşe elordadaǧy «Niet» otbasylyq densaulyq ortalyǧynda jalǧasyn tapty.
Atalmyş şara būǧan deiın Astanadaǧy basqa da emdeu mekemelerınde ūiymdastyrylǧan bolatyn. Būl jolǧy aksiiaǧa qalamyzdaǧy salauatty ömır saltyn qalyptastyru ortalyǧynyŋ, tuberkulezge qarsy dispanser men №6 emhananyŋ mamandary qatysyp, tūrǧyndarǧa tegın konsultasiialar berumen bırge äleumettık maŋyzdy aurulardyŋ aldyn alu boiynşa aqparat taratty, naqty nauqastarǧa medisinalyq kömek körsetıp, olardyŋ keibırın dispanserlık baqylauǧa aldy.
«Niet» otbasylyq densaulyq ortalyǧynyŋ därıgerı Kökenai Taşimova şarany ūiymdastyrudaǧy basty maqsat – qoǧamnyŋ, memlekettık jäne memlekettık emes ūiymdardyŋ nazaryn tūrǧyndar densaulyǧyn qorǧap, nyǧaitu mäselelerıne audaru, sonymen qatar salauatty ömır saltyn qalyptastyru ekenın jetkızdı.
– «Salamatty Qazaqstan» memlekettık baǧdarlamasyndaǧy basym baǧyttardyŋ bırı tuberkulez ben AİTV-ny baqylau bolyp tabylady. Osyǧan orai, aksiia aiasynda «Promyşlennyi» kentınıŋ tūrǧyndary Şalköde köşesınıŋ boiynda ornalasqan №2 üidıŋ maŋyna qoiylǧan jyljymaly medisina keşenı arqyly fliuorografiialyq, sondai-aq, skriningtık tekserulerden tegın ötuge mümkındık aldy,- dedı K.Qaiyrgeldıqyzy.
JİTS-tyŋ aldyn alu jäne oǧan qarsy küres jönındegı respublikalyq ortalyqtyŋ mälımetterı boiynşa AİTV infeksiiasynyŋ oqiǧalary elımızdıŋ barlyq oblystarynda tırkelgen. Onyŋ aldyn alu, tuberkulezben auyratyndar sanyn azaityp, aurudy jūqtyrmaudyŋ joldary tūrǧyndarǧa ünemı tüsındırılıp keledı. Osy maqsatta ötkızılıp jatqan şaraǧa keluşıler qatary da köp boldy. Mamandar sol künı tek tüske deiın ǧana 50 şaqty adamdy qabyldap, 100-ge juyq tūrǧyndy fliuorografiialyq tekserısten ötkızdı. Atalmyş aksiia şıldenıŋ 31-ıne deiın jalǧasady.
Gülbarşyn ÖKEŞQYZY
