Nūr-Sūltan qalasy mäslihatynyŋ äleumettık-mädeni damu mäselelerı jönındegı tūraqty komissiiasynyŋ otyrysynda deputattardyŋ ötken jyly atalmyş sala boiynşa ūsynystary men hattamalyq tapsyrmalarynyŋ oryndalu barysy qaraldy. Jiynda tiıstı basqarmalardyŋ basşylary baiandama jasady.
SPORT SYNYPTARY AŞYLA MA?
Byltyr mäslihat deputattary sport salasyndaǧy memlekettık-jekemenşık ärıptestıktıŋ biudjettık, kommersiialyq, qoǧamdyq, salalyq tiımdılıgın talqylaǧan edı. Sol otyrysta bırneşe ūsynys ta aityldy. Osy joly qalalyq Dene şynyqtyru jäne sport basqarmasynyŋ basşysy Samat Jylqybaev būl basqarma memlekettık-jekemenşık ärıptestık (MJÄ) aiasynda «Mümkındıgı şekteulı adamdarǧa arnalǧan paralimpiadalyq jattyǧu ortalyǧy men «Tarlan» mūz arenasynyŋ qyzmetın ūiymdastyru» jäne ziiatkerlık tehnologiialardy qoldana otyryp, «Qazaqstan» sport saraiyn jaŋǧyrtu jäne paidalanu» atty ekı jobany ıske asyryp jatqanyn jetkızdı. Onyŋ aituynşa, būl jobalardy ıske asyrylu barysyn baǧalauǧa Memlekettık-jekemenşık ärıptestıktı damytu ortalyǧynyŋ mamandary ünemı tartylady.
Deputat Azamat Aithojin hokkei, tennis jäne t. b. sport türlerı boiynşa sport alaŋdarynyŋ esebı jürgızıle me dep sūrap, olardyŋ tızımın sūrady. Deputat Läzzat Razbekova-Töleuhanova MJÄ jobalarynyŋ tiımdılıgın qoǧamdyq baǧalau joqtyǧyna, sondyqtan jobalardyŋ qandai paida äkelıp jatqany belgısız bolyp otyrǧanyn atap öttı. Ony ärıptesı Altynşaş Tabuldina qoldap, sport salasyndaǧy MJÄ jobalaryn jüzege asyru tiımdılıgın baǧalauǧa taldau jasalmaǧanyn atap öttı.
Qalalyq mäslihat hatşysy Erlan Kanalimov «Qazaqstan» sport saraiyn jöndeu mäselesı üş jyl boiy şeşılmei kele jatqanyn atap ötıp, mäselenı şūǧyl türde şeşu kerektıgın atap öttı.
– Qala tūrǧyndaryna qandai sport alaŋdaryna tegın baruǧa bolady? Būl qyzmettıŋ kölemı men uaqytyn halyqqa naqty jetkızu kerek. Kelesı aptada sport salasynda jan basyna qarjylandyru jobasyn qaraudy ūsynamyn, – dedı E.Kanalimov.
Mäslihat hatşysy elordanyŋ är mektebınıŋ japsarlas ǧimaratynda Reseidıŋ Perm qalasynyŋ ülgısımen sport synyptaryn aşudy ūsyndy. Onyŋ pıkırınşe, būl qadam qala biudjetın ünemdeidı, sebebı ırı sport mektepterınıŋ qūrylysy biudjetke äldeqaida qymbatqa tüsedı.
Osyǧan orai, deputat Talǧat Qojahmetov dene şynyqtyru-sauyqtyru keşenderın kütıp-ūstau mäselesın köterdı. Osyndai ekı nysan paidalanuǧa berılgen, taǧy ekeuı alda ıske qosylady. Deputat būl nysandarǧa jylyna qanşa qarjy qajet bolatynyn aldyn ala esepteudı ūsyndy. Onyŋ pıkırınşe, sonda qosymşa qarjy sūrau qajettılıgı özınen-özı joiylady.
– Dene şynyqtyru-sauyqtyru keşenderı jūmysyna kommersiialyq qūramdy engızu kerek. Sport zaldaryn keşkı uaqytta 19.00-den keiın jalǧa bergen jön. Qalada mūndai sport alaŋdaryna sūranys joǧary. Dene şynyqtyru-sauyqtyru keşenderınıŋ qosymşa kırısı qala biudjetıne tüsetın salmaqty azaitady. Nysandardy kütıp-ūstauǧa qajettı 120 mln teŋgenı keşenderdıŋ özderı tabatyn bolady, – dedı T.Qojahmetov.
ALTY TÜRLI ÄLIPPEMEN QALAI OQİDY?
Bılım basqarmasynyŋ basşysy Qasymhan Senǧazyev mektepke deiıngı bılım beru ūiymdarynyŋ qyzmetın baǧalau kriteriilerın äzırleu maqsatynda ata-analar üşın qoljetımdı jäne qarjylyq salymdardy talap etpeitın Colibri mobildı qosymşasy äzırlengenın habarlady. Tastandy balalardy qūjattandyru üşın bırqatar memlekettık ūiymdarmen memorandumdar jasaldy, ıs-qimyl algoritmı äzırlendı. Toqsannan astam mekteptıŋ beinebaqylau kameralary jedel ortalyqqa qosyldy.
Deputat Güljamal Japarova mektepke deiıngı bılım beru ūiymdarynyŋ köptegen pedagogtary bügınde oqytudyŋ interaktivtı ädısterıne daiyn emes ekenın aitty. İnteraktivtı qūmsalǧyştardyŋ, sensorlyq taqtalardyŋ, kompiuterlerdıŋ jetıspeuşılıgı bılıktılıktı arttyru kurstary barysynda alynǧan bılımdı joqqa şyǧaryp jatqanyn jetkızdı. Deputat balabaqşalardy jabdyqtau mäselesın de köterdı.
Mäslihat hatşysy Erlan Kanalimov mamyr aiynda mektepterdı aralap şyǧudy josparlap otyrǧandaryn, sondyqtan jauapty basqarmaǧa bılım beru nysandaryna baru kestesın ūsynudy tapsyrdy. Ol oqulyqtar mäselesı älı de özektı bolyp otyrǧanyn jäne tez arada şeşudı talap etetının jetkızdı.
– Bırınşı synypta balalar alty türlı älıppemen oqidy. Mektepterdıŋ şaǧyn uchaskelerın qaitarudyŋ da qajettılıgı bar. 60-70 myŋ bala saiajaida tūrady. Qazır bırqatar mamandyqtar qajet emes. Alaida olardy qala kolledjderınde daiyndau jalǧastyryluda. Tapşy, qalaǧa qajet mamandar da bar. Jūmys tobyna deputattardy qosyp, qala kolledjderı daiyndaityn mamandyqtar tızımın qaita qarau kerek, – dedı E.Kanalimov.
Deputat Dinara Baiserkina №57 jäne №13 mektepter maŋynda futbol alaŋdarynyŋ qūrylysy boiynşa sūraq qoidy.
Mädeniet basqarmasy basşysynyŋ orynbasary Jaŋabai Meiırmanqūlov ortalyqtandyrylǧan kıtaphana jüiesıne qarasty tört kıtaphanany jöndeuge qosymşa qarjy kerek ekenın jetkızdı. Onyŋ aituynşa, qazır kıtaphanalarda beinebaqylau kameralaryn ornatu, kıtaphanaşylardyŋ jalaqysyn ösıru mäselelerı qaralyp jatyr.
Jiynda deputattar eskertkışterdı kütıp-ūstau, şyǧarmaşylyq üiırmelermen balalardy qamtu, basqa da mäselelerdı köterdı.
