Astana qalalyq mäslihatynyŋ deputattary ötken senbıde 10 myŋ astanalyqtarmen bırge senbılıkke qatysty. Senbılık elordadaǧy «Jasyl Astana» ekologiialyq aksiiasy aiasynda ötıp jatyr. Būl künı 1240 tüp tal-aǧaş egıldı. Qalalyq mäslihat töraǧasy Erlan Kanalimov būrynnan kele jatqan ızgı dästürdıŋ tazalyq, mädeniet üşın orny airyqşa ekenın aitady.
«Būl – būrynnan kele jatqan jaqsy dästür. Kommunaldyq senbılık aiasynda 1240 jasyl jelek otyrǧyzylyp, saiabaqtar men skverler jinaldy. Käsıporyndar men ūiymdardyŋ qyzmetkerlerı öz aumaqtaryn tazalau jäne kögaldandyru jūmystaryn jürgızdı. Memleket basşysy Qasym-Jomart Kemelūly Toqaev Qazaqstan boiynşa 2 milliard tüp köşet otyrǧyzu turaly bastama ūsyndy. İgı şaraǧa qala tūrǧyndarymen bırge mäslihat deputattary, audandyq äkımdıkter, kommunaldyq käsıporyndar, tūrǧyndar, studentter, erıktıler, ekoaktivister men memlekettık mekemelerdıŋ qyzmetkerlerı belsendı qatysyp, öz ülesın qosty» dep jazdy senbılık turaly E.Kanalimov äleumettık jelıdegı paraqşasynda.
Ol «Jasyl Astana» dästürlı ekologiialyq ailyǧy 15 qazanǧa deiın jalǧasatynyn aitty. «Är qazaqstandyqtyŋ «atadan mal qalǧanşa, tal qalsyn» deitın babalar ösietınen önege alyp, osyndai ıs-şaralarǧa belsendı qatysqany abzal. Qorşaǧan ortany qorǧap, köşet otyrǧyzudyŋ keler ūrpaq üşın de ülgılı ıs ekenı sözsız. Endeşe kün sanap körkeiıp, qūlpyryp kele jatqan elordamyzdyŋ jasyl jelektı şaharǧa ainaluyna bärımız atsalysaiyq!» dedı mäslihat töraǧasy.
