QR Prezidentı janyndaǧy memlekettık basqaru akademiiasynyŋ Kyzmet Talks dialog alaŋynda sarapşylyq kezdesu öttı. Onda audit jäne memlekettık organdar qyzmetı nätijesınıŋ tiımdılıgıne monitoring jasau mäselelerı talqyǧa tüstı.
Jiynǧa QR Esep komitetınıŋ töraiymy Natalia Godunova men QR Parlamentı Mäjılısınıŋ Qarjy jäne biudjet jönındegı komitetınıŋ töraiymy Güljan Qaraǧūsova, Senat deputaty, QR Parlamentı Senatynyŋ Ekonomikalyq saiasat, innovasiialyq damu jäne käsıpkerlık jönındegı komitetınıŋ müşesı Mihail Bortnik jäne QR Qarjy ministrlıgı Buhgalterlık esep, audit jäne baǧalau ädısnamasy departamentınıŋ direktory Arman Bektūrova qatysty.
Kezdesu barysynda sarapşylar memlekettık audit, qarjylyq baqylau jäne memlekettık organdardyŋ tiımdılıgın baǧalau jüiesı turaly söz qozǧap, auditorlyq organdar aldynda tūrǧan qazırgı qiyndyqtardy jäne memlekettık syrtqy audittıŋ jaŋa täsılderın talqylady. Būl tūrǧyda Natalia Godunova mındetterdı tiımdı ıske asyruǧa kedergı keltıretın kemşılıkterdı aiqyndaityn, auditteletın subektınıŋ jūmysyn jäne äleumettık-ekonomikalyq äserdı jaqsartudaǧy jaŋa ädıster turaly baiandady. Al Güljan Qaragūsova memlekettık audit pen memlekettık organdardyŋ qyzmetınıŋ tiımdılıgı turaly jäne osy salalarda qandai mäselelerdıŋ bar ekenın aitty. Öz kezegınde Mihail Bortnik aldaǧy üş jylda biudjettıŋ qalai qabyldanatynyn jäne Parlamenttıŋ qandai qiyndyqtarǧa tap bolǧany turaly söz ettı.
