№5 qalalyq emhananyŋ ūjymy «Donor bol – basqa adamǧa ömır syila!» atty qaiyrymdylyq şarasyna qatysty. Aksiianyŋ maqsaty – qanǧa mūqtaj adamdardyŋ ömırı men densaulyǧyn saqtauǧa mümkındık beru üşın qan bankınıŋ qoryn tolyqtyru.
Jol-kölık jäne jazataiym oqiǧalar saldarynan jedel ota jasau – donorlyq qandy qajet etetın jaǧdailardyŋ bır parasy ǧana. Kün saiyn myŋdaǧan adam qan qūiuǧa mūqtaj, al medisina qyzmetkerlerı qaşanda adamdarǧa bırınşı bolyp kömekke keledı. Būl aksiia da qajettı saqtyq şaralaryn qataŋ saqtai otyryp ötkızıldı. Aksiia qatysuşylary saualnama toltyryp, densaulyq jaǧdaiyn aldyn ala diagnostikadan ötkızdı. Transfuziologiia ǧylymi-öndırıstık ortalyǧynyŋ resmi saitynda sonyŋ nätijelerı boiynşa 58 adamǧa qan tapsyruǧa rūqsat berılgenı jazyldy. Nūr-Sūltan qalasynyŋ №5 qalalyq emhanasy qyzmetkerlerı qan bankı qoryn tolyqtyruǧa jyl boiy belsendı türde qatysady, osylaişa elordamyzda öteusız donorlyqty damytu men qoldauǧa aitarlyqtai üles qosady. Atalǧan ortalyqtyŋ resmi saitynda aşylǧan «Jeke kabinet» aidary arqyly taldau nätijelerı turaly aqparatty aluǧa bolady, sondai-aq özıŋız jasaǧan donasiialardyŋ sanyn da köre alasyz.
