Dünie jüzılık donor künıne orai Transfuziologiia ǧylymi-öndırıstık ortalyǧynda «Basqalardy da oila. Qan tapsyr. Ömırıŋmen bölıs!» atty arnaiy ıs-şara öttı.
Adam ömırın aman alyp qalu üşın qan tapsyrudyŋ maŋyzy zor. Sonymen qatar, qan tapsyru donordyŋ densaulyǧyna da öte paidaly ekenın aitady därıgerler. Osyndai igılıktı ıstı nasihattauǧa arnalǧan şaraǧa jinalǧan Densaulyq saqtau ministrlıgınıŋ ökılderı men «Nūr Otan» partiiasynyŋ müşelerı, qoǧam belsendılerı, türlı mekeme qyzmetkerlerı jäne tūraqty donorlar Transfuziologiia ǧylymi-öndırıstık ortalyǧynyŋ mäjılıs zalynda bas qosty. Şara barysynda mekeme basşysy Jandos Bürkıtbaev jinalǧandardy atauly künmen qūttyqtady. Al öz kezegınde Olimpiada chempiony, bylǧary qolǧap şeberı, «Astana Arlans» käsıbi boks klubynyŋ bas menedjerı Baqtiiar Artaev köp jyldan berı tūraqty türde qan tapsyryp jürgen bırqatar donorlardy arnaiy alǧys hatpen marapattady. Marapatqa ie bolǧandardyŋ bırı – Vasilii Salienko: «Menıŋ qan tapsyryp jürgenıme 30 jyl boldy. Nauqastarǧa qany saǧat saiyn, tıptı minut saiyn qajet boluy mümkın. Eger bır tamşy qanym bır adamnyŋ ömırın saqtap qalatyn bolsa, ol – men üşın ülken baqyt. Osyndai igı ıske jastardy da belsendı atsalysuǧa şaqyramyn» deidı.
Osy künı Astana Medisina universitetınde №4 qalalyq emhananyŋ gerontolog därıgerlerı men atalmyş oqu ornynyŋ profilaktikalyq medisina, sporttyq medisina kursy jäne taǧamtanu kafedrasynyŋ ǧalymdary, tyl eŋbekkerlerı, eŋbek ardagerlerı men qalalyq jäne audandardyŋ ardagerler keŋesterınıŋ tūraqty komissiialarynyŋ müşelerı üşın densaulyqty saqtau jaiynda seminar-trening ötkızdı. Şarany Astana qalasy Qoǧamdyq damu ısterı basqarmasy men qalalyq Ardagerler keŋesı ūiymdastyrdy.
Raihan BALTABAI,
äl-Farabi atyndaǧy Qazaq ūlttyq universitetınıŋ studentı
