Astana qalasynyŋ qan ortalyǧy «Donordyŋ 5 igı ısı» bırlesken marafonyn bastady. Ūiymdastyruşylardyŋ aituynşa, būl marafon – qūrmettı donor boludyŋ tamaşa mümkındıgı. Öitkenı qaitymyn kütpeitın aksiialarǧa qatysu – meiırım men janaşyrlyqtyŋ belgısı.
Şaraǧa qatysu üşın ärbır adam 5 igı ıs jasauy qajet. Bırınşıden, 2023 jyly 4 tamyz ben 25 jeltoqsan aralyǧynda Astana qalasyndaǧy Transfuziologiia ǧylymi-öndırıstık ortalyǧyna kelıp, trombositterdı kemınde 5 ret tapsyruy tiıs. Odan ärı būl aksiia turaly meilınşe köbırek adam bıluı üşın donasiia kezınde suretke tüsıp, äleumettık jelıde, surettı ala otyryp, jazba jariialaidy. Onda dostaryn belgılep, olardy qan tapsyruǧa şaqyrady. Posttan bölek, äleumettık jelıdegı storiste repost jasap, qan ortalyǧynyŋ äleumettık jelıdegı paraqşasyn belgıleidı. Ūiymdastyruşylar barlyq jariialanǧan jazbamen tanysyp, ony öz paraqşasynda körermendermen bölısedı. Sosyn trombositterdıŋ ärbır 5 donasiiasy üşın donorlarǧa estelık syilyqtar beredı.
Aita keterlıgı, QR qoldanystaǧy zaŋnamasyna säikes, salmaǧy 50 kelıden artyq, jasy 18-den asqan, ıs-äreketke qabılettı azamattar donor bola alady. Jaqynda auyrǧan, ota jasatqan, älemnıŋ keibır elıne barǧan adamdar donorlyqtan uaqytşa nemese tūraqty şettetu üşın negız bolady.
