Elordanyŋ Dostyq üiınde Odiljon Sattarov bastaǧan «Vatandoşlar» qoǧamdyq qory delegasiiasynyŋ Astana qalasy özbek etnomädeni ortalyǧynyŋ aktivımen kezdesuı öttı. Kezdesuge Parlament Senatynyŋ deputaty Älışer Satvaldiev, qalalyq Işkı saiasat basqarmasy basşysynyŋ orynbasary Läzzat Qūsaiynova qatysty.
Astana qalasy özbek etnomädeni ortalyǧynyŋ töraǧasy Şerzod Pulatov moderatorlyq etken jiynda taraptar ekı el arasyndaǧy yntymaqtastyqty damytu, ūltaralyq kelısım, etnomädeni bırlestıktermen jäne qoǧamdyq qorlarmen jūmys ısteu mäselelerın talqylap, özara pıkır almasty. Qonaqtar qalalyq Qazaqstan halqy assambleiasy qyzmetımen tanysyp, Dostyq üiınde arnaiy ūiymdastyrylǧan ekskursiiany tamaşalady. Qoǧamdyq qordyŋ özbek tılı men mädenietın damytuǧa qosqan ülesı üşın etnomädeni ortalyq atynan ūiym ökılıne alǧys hat pen ūlttyq kädesyi tabys etıldı.
«Vatandoşlar» qoǧamdyq qorynyŋ maqsaty – şetelde tūratyn otandastardy tarihi otany töŋıregıne bırıktıru, olardyŋ jüregınde elge degen maqtanyş sezımın nyǧaitu, ūlttyq erekşelıktı saqtau, otandastardy jäne olar qūrǧan türlı bırlestıkterdı qoldau.
