Dostyq üiınde Nūr-Sūltan qalasynyŋ äkımı Altai Kölgınov elordadaǧy ūlttyq mädeni ortalyqtardyŋ ökılderımen kezdestı.
Elımızdegı bırlık pen tūraqtylyqqa däneker bolyp jürgen ūlttyq mädeni ortalyqtardyŋ ökılderın, merekelık kezdesuge jinalǧan barşa qauymdy Ata Zaŋymyz – Konstitusiianyŋ 25 jyldyǧymen qūttyqtady. Kezdesu barysynda memleket jäne qoǧam qairatkerı Ömırbek Baigeldı elımızdıŋ negızgı zaŋy turaly, onyŋ erekşelıkterı men jetıstıkterı jaily äŋgımelep berdı. Parlament Mäjılısınıŋ deputaty Natalia Jūmadıldaeva da öz oiyn ortaǧa saldy. «Osy jerde otyrǧan adamdardyŋ arasynda Qazaqstan Konstitusiiasynyŋ bastauyna kuäger bolǧan, Elbasymen bırge negızgı zaŋnyŋ qūryluyna jäne qalyptasuyna üles qosqan elımızdıŋ patriottary da otyr» dedı halyq qalaulysy.
Özbek etnomädeni ortalyǧynyŋ töraǧasy Şerzot Pulatov mediasiia mäselesı turaly söz qoǧady. Ol ortalyq aiasynda 18 mediatordyŋ jūmys ısteitının, olardyŋ qoǧamdaǧy, azamattar arasyndaǧy dostyq pen kelısımdı nyǧaituǧa qosyp jatqan ülesın atap öttı. L.Gumilev atyndaǧy Euraziia ūlttyq universitetınıŋ Qazaqstan halqy assambleiasy kafedrasynyŋ meŋgeruşısı Halil Maslov qoǧamdaǧy tözımdılık, ūltaralyq qatynastaǧy bırlıktı saqtaudyŋ maŋyzdylyǧyna toqtaldy. Osy rette kafedra aiasynda atqarylyp jatqan jūmystardyŋ jaqsy nätije berıp jatqandyǧyn baiandady. Bügıngı taŋda osyndai QHA kafedralary elımızdıŋ 40 joǧary oqu oryndarynda aşylǧan.
Mereke qarsaŋyndaǧy kezdesudıŋ soŋynda elorda äkımı Altai Kölgınov bır top QHA müşelerıne «Qazaqstan Konstitusiiasyna 25 jyl» mereitoilyq medaldaryn tabys ettı.
