Dostyqty därıptedı
![](https://astana-akshamy.kz/wp-content/uploads/2021/10/2021102517005722509_avu-c4c8cc9b832d298d9213f8e13b04ca99-1.jpg)
«Şabyt» Qazaq ūlttyq öner universitetınde Qazaqstan halqy Assambleiasynyŋ ūiymdastyruymen el Täuelsızdıgınıŋ 30 jyldyǧyna arnalǧan «Qazaqstan – dostyq älemı» atty Qazaqstan halqy dostyǧynyŋ XXII festivalı öttı.
Dästürlı dostyq festivalınıŋ maqsaty – ūrpaqty etnostardyŋ mädenietın, salt-dästürlerın qūrmetteuge tärbieleu, etnomädeni bırlestıkterdıŋ şyǧarmaşylyq bastamalaryn yntalandyru. Sondyqtan oǧan elordalyq Assambleiaǧa qarasty etnomädeni ortalyqtardyŋ 17 şyǧarmaşylyq ūjymy bırauyzdan belsene atsalysty.
Sondai-aq şaraǧa Prezident Äkımşılıgı, QR Parlamentı, Aqparat jäne qoǧamdyq damu ministrlıgı men elşılıkterdıŋ ökılderı qatysyp, jinalǧan köpşılıktı Täuelsızdıktıŋ 30 jyldyǧymen qūttyqtap, festival ūiymdastyruşylaryna alǧys bıldırdı.
«Mädeniet, öner – halyqtardy eŋ basty bırıktıruşı dünie. Ol ūltqa, halyqqa, etnostarǧa bölınbeidı. Sondyqtan bız osyndai är aluan mädeni erekşelıkterımız arqyly bırlıgımızdı körsetkımız keledı. Eŋ basty qūndylyǧymyz – sol bırlık pen tatulyq. Barşaŋyzdy bügıngı dästürlı dostyq festivalınıŋ bastaluymen qūttyqtaimyn» dedı festivaldıŋ aşylu räsımınde söz söilegen qalalyq Işkı saiasat basqarmasynyŋ bastyǧy Däuren Babamūratov.
Qazaqstan halqynyŋ dostyǧyn paş etken şara aiasynda än, qoiylym, bi arqyly negızınen, Täuelsızdıgımızdı ūlyqtaityn, maqtan etetın tuyndylar sahnalandy.