29 mamyrda Qazaqstan, Resei jäne Belarus elı Euraziialyq ekonomikalyq odaq turaly Şartqa qol qoiady. EAEO kedendık kedergılerdı joiyp, el ekonomikasyn köteruge jol aşady. EAEO aiasynda Qazaqstan üşın auqymdy memlekettık satyp alu naryǧy aşylady. Elımız bäsekege tötep berıp, köş ılgerı jyljidy. Sauda-sattyq, mūnai, gaz tasymaly, kölık qatynasynda bögeu bolmaidy dedı Astana qalasynyŋ käsıpkerler konferensiiasynda söilegen sözınde elorda äkımı İmanǧali Tasmaǧambetov.
«Düniejüzılık ekonomikalyq forumnyŋ mälımetınşe, jahandyq bäsekelestıktıŋ indeksı qazaqstandyq biznestıŋ bäsekege qabılettılıgı 50 orynda. Resei 64, Belarus elı 94 orynda eken. Menıŋşe, HHI ǧasyrda qai eldıŋ bolmasyn ūlylyǧy men qarymyn innovasiialyq, aqparattylyq jäne käsıpkerlık qabıletınen paiymdauǧa bolady. Sondyqtan EAEO bäsekege qabılettılıktı arttyryp, ekonomikalyq keŋıstıkke jol aşady dep senemın», – dep tüiındedı sözın qala basşysy. Bır eskeretını, EAEO müşe elder bır-bırınıŋ ışkı ısıne aralaspai, egemendık pen memlekettık şekaralarǧa qol sūqpaidy. Sonysymen-aq Euraziialyq odaq tūraqty ärı quatty, tiımdı tūstarymen köpşılık qoldauyna ie boldy. Būl saiasi-ekonomikalyq bailanysy berık, özara yntymaqtastyq qarym-qatynasty saqtap kele jatqan memleketterdıŋ damuynyŋ jaŋa belesı ıspettı.
