Astana qalasynyŋ äkımı Äset İsekeşev elorda tūrǧyndarymen eseptık kezdesu ötkızu barysynda qalalyq Densaulyq saqtau basqarmasyna elordadaǧy №4 emhanada gerontologiialyq ortalyq aşu jönınde tapsyrma bergen bolatyn. Keşe osy ortalyq saltanatty jaǧdaida aşyldy.
Saltanatty şaraǧa Ūly Otan soǧysynyŋ maidangerlerı, Auǧanstan soǧysynyŋ ardagerlerı, Chernobyl apatyn joiuǧa qatysuşylar şaqyryldy. Astana qalasy Jūmyspen qamtu, eŋbek jäne äleumettık qorǧau basqarmasynyŋ basşysy Ermek Ospanov pen Astana qalasy Ardagerler keŋesınıŋ töraǧasy Sansyzbai Esılov jinalǧan qauymdy Otan qorǧauşylar jäne Jeŋıs künımen qūttyqtap, emhana ūjymyna alǧystaryn jetkızdı.
– Astana qalasy boiynşa ömır süru jasy jyldan-jylǧa ūlǧaiyp keledı. Būl – äleumettık deŋgeidıŋ jaqsaryp kele jatqanyn bıldıretın körsetkış. Jaŋadan aşylyp otyrǧan gerontologiialyq ortalyqta 75 jastan asqan azamattarǧa arnaiy medisinalyq kömek körsetıletın bolady. Mūnda qartaiǧan adamdarǧa tek qana emdık qyzmet körsetılıp qoimai, olardyŋ jasyna qarai jan-jaqty zertteu-tekseruler jürgızıledı. Qart adamdardyŋ fizikalyq, psihologiialyq jäne emosionaldyq jaǧdailaryna airyqşa män berıletın bolady. Elorda äkımdıgı jaŋa ortalyqqa qajettı qūral-jabdyqtarmen, tehnikalyq qondyrǧylarmen tolyqtai qamtamasyz ettı. Tüptep aitqanda, elordamyzdyŋ egde adamdaryna erekşe qyzmet körsetetın ortalyqtyŋ jūmysyn bastap otyrmyz, – dedı №4 qalalyq emhananyŋ bas därıgerı Serık Şaimerdenov.
Ǧalym Qojabekov
