Bügın Jastar saraiynda «Bärı de än şyrqaidy!» karaoke chempionatynyŋ ekınşı kezeŋı bastalady. Būl jarysta top jarǧan änşı Astana qalasy äkımınıŋ kubogyn ielenedı.
Alǧaşqy kezeŋde retro stildegı änderdı aitqan äuesqoi änşılerdıŋ arasynda 16 qatysuşy joǧary ūpai jinady. Onyŋ qorytyndysy boiynşa söz söilegen qazylar alqasynyŋ müşesı, Astana qalasy memlekettık akademiialyq filarmoniiasynyŋ solisı Tatiana Hasianova qatysuşylardyŋ än oryndau deŋgeiıne, dauys diapazonyna, horeografiialyq jäne ärtıstık qabıletterıne, repertuardyŋ keŋdıgıne köŋılı tolǧanyn jetkızdı.
Chempionatqa 75 adam qatysyp jatqanyn eske sala keteiık. Olardyŋ bärı üş komandaǧa bölındı. Alǧaşqy «Kruche vseh!» komandasyn Aiman Älımhanova-Türıbaeva jäne Adyl Ekinbaev daiyndap jatyr. «Angel voices» ūjymyn Baqytjan Masalimov pen Liudmila Savchenko jattyqtyryp jatyr, al «W» komandasyna Vasilii Solovar jäne Elena Rahmatulina jetekşılıkke belgılendı. Alǧaşqy kezeŋnen «tört közı tügel» bolyp ekınşı kezeŋge ötken būl ūjymdar körkem filmderde aitylatyn änderdı oryndaidy. Būdan keiın de qatysuşylar ekşelmei, kelesı kezeŋge jıberıledı.
Üşınşı kezeŋ 5 şılde künı ūiymdastyrylady. Al chempionattyŋ bas jülde iegerı 6 şılde künı ötetın finalda anyqtalady. Sonda qatysuşylardy qoldauǧa Qazaqstannyŋ jūldyzdy qonaqtary men tanymal änşılerı keledı dep josparlanuda.
Amanǧali QALJANOV
