Ekologiialyq zalalsyz avtojuu jobasy paidalanuǧa berıluı tiıs
4 mausym künı Nūr-Sūltan qalasy äkımdıgınde «Protecting business and Investments» boiynşa biznestı jäne investisiiany sybailas jemqorlyqtan qorǧau şarasy ötkızılıp, onda avtomobil juu qyzmetın körsetetın innovasiialyq joba tanystyryldy. Jobanyŋ erekşelıgı – ol öz jūmysynda sudy meilınşe az jūmsaidy jäne qorşaǧan ortaǧa eş ziian tigızbeidı.
Respublikamyzda alǧaş ret qolǧa alynyp otyrǧan jobanyŋ jetekşısı – «BİOV» kompaniiasynyŋ basşysy Ämır Quat şaǧyn käsıporynnyŋ qyzmetınen aǧyn sular jinalmaitynyn, ol üirenşıktı kölık juuǧa qaraǧanda sudy 200 esege az şyǧyndaitynyn jäne mūndai käsıporyndardy qalanyŋ kez kelgen jerınde sala beruge bolatynyn aitty.
«Qazaqstan – TMD aumaǧynda su qory eŋ az memleketterdıŋ bırı. Köptegen eldı mekender, öŋırler su jetıspeuşılıgın aiqyn sezınıp otyr. Söite tūra, osy problemanyŋ şeşudıŋ bar amaldaryn tauyp, ony ıs jüzınde jüzege asyrudyŋ ornyna, bız su siiaqty baǧa jetpes resursty orynsyz paidalanyp, tekke räsua qylyp jatyrmyz. Oǧan eşkımnıŋ moraldyq qaqysy joq. Mobildı avtojuu qala tūrǧyndaryna eş qolaisyzdyq tuǧyzbaidy. Būl elımızde bolaşaqta ekologiialyq jaǧynan zalalsyz basqa da biznes türlerın damytuǧa yqpal etedı jäne qorşaǧan ortaǧa qamqorlyqpen qarauǧa, su siiaqty asa qymbat resurstardy ünemdeudı üiretedı» dedı «BİOV» kompaniiasynyŋ basşysy.
Mobildı avtojuu ısınde himiialyq qūraldar qoldanylmaidy, ainalaǧa sanitarlyq tūrǧydan qauıpsız. Degenmen, būl jobany jüzege asyru üşın qalany abattandyru jaǧdaiyn retteitın qazırgı normativtık qūjattarǧa ışınara tüzetuler engızu qajet körınedı. Bar mäsele osyǧan tırelıp tūr. Būl – endı qūzyrly organdardyŋ qolynan keletın ıs.
Kezdesuge qatysqan qalalyq memlekettık qyzmet ısterı jäne sybailas jemqorlyqqa qarsy ıs-qimyl agenttıgı departamentınıŋ basşysy Jazira Jylqyşieva ol mäselenı türlı sala mamandarymen jan-jaqty talqyǧa salyp, jedel şeşım şyǧaruǧa türtkı bolatynyn jetkızdı.
Joba tanystyrylymyna Memlekettık qyzmet ısterı jäne sybailas jemqorlyqqa qarsy ıs-qimyl agenttıgınıŋ Nūr-Sūltan qalasy boiynşa departamentınıŋ basşysy Jazira Jylqyşieva, «Protecting business and Investments» jobalyq keŋsenıŋ mamandary, «Atameken» ŪKP ökılderı, audan äkımderı orynbasarlary, käsıpkerlık jäne abattandyru qyzmetterınıŋ basşylary qatysty.
Däulet ASAUOV
