Elbasy halyqaralyq «EKSPO-2017» mamandandyrylǧan körmesınıŋ daiyndyq mäselelerı jönınde keŋes ötkızdı.
Alqaly jiynda aşqan Memleket basşysy EKSPO körmesı otandyq ekonomikaǧa jäne jaŋa tehnologiialardy igeru ısıne serpın bere alatyn ūlttyq jobaǧa ainalǧanyn, sondai-aq, körme nysandarynyŋ qūrylysy kestege säikes jürıp jatqanyn atap öttı.
– Körmenıŋ aşyluyna bır jarym jyl qaldy. Barlyq qūrylys jūmystary kelesı jyldyŋ küzıne deiın aiaqtaluy tiıs. Kürdelı ekonomikalyq ahualǧa qaramastan, bız körmenı daiyndauǧa qajettı barlyq qarajatty bölıp jatyrmyz. Qūrylysqa Qazaqstanda mol jūmys täjıribesı bar merdıgerlerdı tarttyq. Sondai-aq, Milandaǧy körmenı ötkızu täjıribesın tyŋǧylyqty zerdeledık. Sondyqtan EKSPO-ny ūiymdastyru ısıne qatysty tüsınıksız eşteŋe joq, – dedı Nūrsūltan Nazarbaev.
Qazaqstan Prezidentı şyǧystardy oŋtailandyru maqsatynda barlyq ärleu jūmystaryn otandyq önımderdı barynşa paidalana otyryp jürgızu qajettıgıne nazar audardy.
Ol sondai-aq, osynau jalpyqazaqstandyq ıske Ūlttyq jäne transūlttyq kompaniialardyŋ äleuetın barynşa paidalanu qajettıgın eskerttı.
Nūrsūltan Nazarbaev jer qoinauyn paidalanuşy ırı kompaniialarmen jūmys kezınde olardyŋ bedelın «EKSPO-2017» körmesıne jaŋa tehnologiialarǧa ie Siemens, Samsung, Toyota siiaqty jäne basqa ozyq kompaniialardy tartu üşın paidalanu kerektıgın alǧa tartty.
Elbasy körmede Qazaqstannyŋ mädenietın, tarihy men dästürlerın körsetudıŋ maŋyzdylyǧyn aitty.
– Otandyq mädeniet qairatkerlerınıŋ öner körsetuıne basymdyq beru kerek. Mädeni-dumandy şaralar körme aumaǧynda ǧana emes, bükıl qalada ötuı qajet. Muzeiler, körmeler men teatrlar qonaqtardy eŋ joǧary deŋgeide qarsy aluǧa daiyn boluy tiıs. Barlyq memlekettık organdardyŋ üilesımdı qyzmet etkenı kerek, osy jūmysty jedeldetudı tapsyramyn, – dedı Memleket basşysy.
PrezidentÜkımetke barlyq mäselenı tiıstı deŋgeide üilestırudı jäne jürgızılıp jatqan jūmystar turaly ünemı baiandap otyrudy tapsyrdy.
Keŋeste körmege daiyndyq pen Memleket basşysy bergen tapsyrmalardyŋ oryndalu barysy turaly «Astana EKSPO-2017» ŪK» AQ basqarmasynyŋ töraǧasy Ahmetjan Esımov baiandama jasady. Ol körme keşenı qūrylysyna arnalǧan şyǧystardy oŋtailandyruǧa airyqşa köŋıl böldı. Keibır säulet-qūrylys jobalaryn qaita qarau esebınen şyǧystar kölemı 78 milliard teŋgege azaiatynyn, būl rette jalpy säulet kelbetı men nysandardyŋ funksionaldylyǧy saqtalatynyn tılge tiek ettı.
– Biudjet qarajatyn maqsatqa sai paidalanu tiımdılıgıne airyqşa män berıldı. Qazaqstandyq qamtu ülesın ūlǧaitu men otandyq käsıpkerlerdı tartu da ünemdeu şaralarynyŋ bırı bolyp sanalady. Respublikanyŋ 10 öŋırımen yntymaqtastyq turaly memorandumǧa qol qoiyldy, nätijesınde 20 myŋnan astam adamdy jūmyspen qamtyǧan 220 otandyq käsıporyn qūrylysqa tartyldy. 30 milliard teŋgenıŋ önımı jetkızıldı, – dedı Ahmetjan Smaǧūlūly.
Sonymen qatar, ūlttyq kompaniia basşysy körme imidjın ılgerıletu jäne ony taqyryptyq jaǧynan tolyqtyru jūmystarynyŋ barysy turaly da baiandady. Onyŋ atap ötkenındei, bügınde 53 el jäne 11 halyqaralyq ūiym körmege qatysatynyn rastaǧan.
Keŋes barysynda, sondai-aq, Astana qalasynyŋ äkımı A.Jaqsybekov, Energetika ministrı V.Şkolnik, Syrtqy ıster ministrı E.Ydyrysov, İnvestisiialar jäne damu ministrı Ä.İsekeşev, Mädeniet jäne sport ministrı A.Mūhamediūly jäne merdıgerlık ūiymdardyŋ basşylary söz söiledı.
