Bas şaharda bolatyn bedeldı şara – «EKSPO-2017» körmesıne ärkım özınşe üles qosuǧa daiyndyqty bastap kettı.
Atap aitqanda, astanalyq äielder qauymy EKSPO qarsaŋynda ekologiiany jaqsartuǧa qandai şaralar qajettıgı turaly oilaryn Jasyl tehnologiialardyŋ ūlttyq akademiiasynda ötken döŋgelek üstel barysynda ortaǧa saldy. Al Astana qalasyn «EXPO- 2017» halyqaralyq mamandandyrylǧan körmesıne daiyndauda Astana Konvenşn biurosy auqymdy jūmystardy bastap kettı.
Eldıŋ mereiın asyratyn jahandyq körmede qandai jobalar aldymen qolǧa alynu kerektıgın aitqan qyz-kelınşekter su, jaryq jäne jylu közderın ünemdeudıŋ tiımdı täsılderı turaly da jan-jaqty talqylady. Äsırese, «Aqbota» qoǧamdyq korynyŋ direktory Tatiana Nemsannyŋ bügınde özderı tūratyn mekende ıske asyrylyp jatqan jasyl jobalar jaily aitqan äŋgımesı köpşılıktıŋ köŋılınen şyǧyp, qonaqtar tarapynan ülken qyzyǧuşylyq tuǧyzdy.
– Qazırgı taŋda Aqmola oblysy Arşaly audany Arnasai auylynda äleumettık nysandardyŋ biudjettık jüktemelerın azaitu maqsatynda köptegen ılkımdı şaralar qolǧa alynǧan. Mūnda jasyl tehnologiianyŋ kömegımen biudjet qarjysyn 1,5 million teŋgege deiın ünemdeitın orta mektep bar. Sondai-aq, 168 aulada tamşylai suaru jüiesı ornatylǧan. Mūnymen qosa, jylyjaidyŋ 4 türı – kün biovegetariiı, fitodiodty jylyjai, köşethana jäne piramidalyq jylyjai jūmys ısteidı. Auyldaǧy 100 äiel organikalyq kökönıs ösırumen şūǧyldanady, – dedı ol.
Al «EKSPO-2017» halyqaralyq mamandandyrylǧan körmesıne daiyndyq barysyndaǧy Astana Konvenşn biurosy jiynyna qatysuǧa Altai aimaǧynyŋ jäne Barnaul qalasynda ornalasqan turistık kompaniialardyŋ jetekşılerı keldı. Kelgen qonaqtar qalanyŋ körıktı jerlerın aralap, qonaqüilerdıŋ qyzmet körsetu sapasymen tanysty.
Ūiymnyŋ qolǧa alǧan baǧyty – halyqaralyq bailanysty damytu. Qazırgı uaqytta Astana qalasy şeteldık 28 memleketpen, sonyŋ ışınde 26 asta-namen ūzaq merzımdı kelısımge kelu turaly memorandumǧa qol jetkızgen. Osyǧan bailanysty turizmdı damytu maqsatynda biyl Astana qalasynda jetekşı turoperatorlardyŋ, blogerler men şeteldık BAQ ökılderınıŋ qatysuymen aqparattyq turlar ūiymdastyryluda. Būl – ekınşı ret ötkızılıp otyrǧan şara. Reseiden kelgen qonaqtar Recommended by EXPO baǧdarlamasy boiynşa elordanyŋ turistık äleuetımen tanysyp qana qoimai, EKSPO körmesınıŋ qūrylysyn da tamaşalady.
Gülmira AIMAǦANBET,
Botagöz MARATQYZY
