Qazaqstan Prezidentı dästür boiynşa elorda künıne arnalǧan merekelık ıs-şarany aşatyn Memlekettık tudy köteru saltanatty räsımıne qatysty.
– Qazaqstannyŋ tuy joǧary äuelep köterılgende jüregımızdı täuelsız elımızdıŋ barlyq jetıstıgıne degen maqtanyş sezımı baurap alady. Bas qalamyz qalyptasqan sätten bastap, damudyŋ qazaqstandyq ülgısınıŋ aiqyn jetıstıkke jetkenın körsetıp keledı – dedı Qasym-Jomart Toqaev.
Memleket basşysy äskeri oqu orny tülekterınıŋ aldynda söilegen sözınde Qazaqstannyŋ tuyn öŋırde jäne bükıl jer şarynda qauıpsızdık pen tūraqtylyqty qamtamasyz etuge baǧyttalǧan beibıtşılık pen saliqaly saiasattyŋ simvoly retınde bükıl älem bıletının aitty.
– Qazırgı kürdelı jahandyq ahualda bızdıŋ er-azamattarymyz türlı şielenıs oşaqtaryna baryp, bıtımgerlık missiiasyn abyroimen atqaruda. Bılıktı äskeri qyzmetker adamgerşılık qūndylyqtaryn biık ūstaityn, temırdei tärtıptı saqtaityn, tabandy eŋbek etetın adam boluy tiıs. Qazaqstannyŋ qauıpsızdıgı – Sızderdıŋ sapaly jūmystaryŋyzǧa tıkelei bailanysty, – dedı Qasym-Jomart Toqaev.
Räsım barysynda joǧary äskeri oqu ornynyŋ 27 üzdık tülegı Qazaqstan Prezidentı – Qazaqstan Respublikasynyŋ Joǧarǧy Bas qolbasşysynyŋ qolynan ofiser pogonyn aldy.
Soŋynda Qasym-Jomart Toqaev barlyq qatysuşylardy kele jatqan elorda künımen qūttyqtap, Qazaqstan halqyna beibıtşılık pen baq-bereke tıledı.
