Resei prezidentı Vladimir Putin Memleket basşysy Nūrsūltan Nazarbaevqa köpjosparly Qazaqstan-Resei yntymaqtastyǧyn damytuǧa sıŋırgen eŋbegı, sondai-aq integrasiialyq üderısterdı ılgerıletu baǧytyndaǧy ekı jaqty özara yqpaldastyqqa qosqan belsendı ülesı üşın Aleksandr Nevskii ordenın tapsyrdy.
– Bükıl elımız Sızge zor qūrmetpen qaraidy. Bızdıŋ halyqtarymyzdyŋ aldyndaǧy Sızdıŋ eŋbegıŋızdıŋ jäne integrasiialyq üderıster mäselesı boiynşa Sız kötergen, bügınde aiaǧyna jetken bastamalardyŋ belgısı retınde Sızge osy nagradany tapsyruǧa rūqsat etıŋız, – dedı Resei Prezidentı.
Memleket basşysy öz kezegınde Vladimir Putinge eŋbegın joǧary baǧalaǧany üşın alǧys aitty.
– Körsetılgen yqylas üşın bükıl Resei halqyna, būqaralyq aqparat qūraldaryna rahmet aitqym keledı. Bızdıŋ jasap jatqanymyzdyŋ barlyǧy barşa Qazaqstan men Resei halqy üşın jasaluda. Bügın – tarihi kün, öitkenı är qūrlyqtan kelgen türlı elderdıŋ köşbasşylary kezdesıp otyr. Būrynyraqta men tüptıŋ tübınde barlyq ūiymdar bolaşaǧy zor ortaq bır integrasiialyq bırlestıkke bırıgetının aitqan edım, – dedı Qazaqstan Prezidentı.
Nūrsūltan Nazarbaev pen Vladimir Putin ekıjaqty özara yqpaldastyqtyŋ keŋ auqymdy mäselelerın qarastyrdy.
Sondai-aq ekı memlekettıŋ köşbasşylary öŋırlık jäne halyqaralyq kün tärtıbındegı bırqatar özektı mäselelerdı talqylady.
