«Qazaqstan Prezidentı Nūrsūltan Nazarbaev Amerika Qūrama Ştattarynyŋ Memlekettık hatşysy Djon Kerrimen kezdesu ötkızdı» dep habarlady Aqordanyŋ baspasöz qyzmetı.
Qazaqstan Prezidentı Dj.Kerridıŋ bızdıŋ elge jäne osy öŋırge alǧaşqy saparmen kelgenıne rizaşylyq bıldırdı.
«Taiauda men Niu-Iorkte AQŞ Prezidentı Barak Obamamen kezdestım, ekıjaqty yqpaldastyq mäselelerı jönınde söilestık. Bızdıŋ respublikamyz jeltoqsanda 24 jyldyǧy toilanatyn täuelsızdıgınıŋ alǧaşqy künderınen berı Sızdıŋ elmen yntymaqtasyp keledı, egemendıgımız ben ekonomikamyzdyŋ damuyna ūdaiy körsetılıp kele jatqan qoldau üşın Qazaqstan halqy riza. Bügınde elımızde amerikalyq kapitaldyŋ qatysuymen 500-ge juyq kompaniia jūmys ısteidı. Bız osy jūmysty jalǧastyruǧa niettımız» dedı Memleket basşysy.
Nūrsūltan Nazarbaev Qazaqstan men AQŞ iadrolyq qarusyzdanu jäne taratpau mäselesı boiynşa da yntymaqtasyp otyrǧanyn aitty. Osyǧan bailanysty B.Obamanyŋ būl baǧyttaǧy bastamalaryna Memleket basşysy qoldau bıldırdı.
Nūrsūltan Nazarbaev pen B.Obamanyŋ Niu-Iorkte ötken iadrolyq qarudy taratpau, qaruly ekstremizmge qarsy ıs-qimyl, Auǧanstandaǧy jaǧdai jäne DAİŞ toptaryna qarsy küres mäselelerı talqylanǧan kelıssözderınıŋ qorytyndysyn AQŞ Memlekettık hatşysy joǧary baǧalaitynyn atap öttı.
Sonymen qatar, Dj.Kerri Qazaqstan men AQŞ-tyŋ tyǧyz serıktestıgı Bes institusionaldyq reforma men «100 naqty qadam» Ūlt josparyn jüzege asyru ısıne eleulı yqpal etetınıne senım bıldırdı.
– AQŞ rasynda da Qazaqstandaǧy ırı investorlardyŋ bırı bolyp sanalady. Bügın men Amerika sauda palatasynyŋ Qazaqstandaǧy ökılderımen kezdestım. Olar özderınıŋ Sızdıŋ elde qol jetkızgen tabysyna qanaǧattanatyndaryn bıldırdı, – dedı AQŞ Memlekettık hatşysy.
