Nūrsūltan Nazarbaev O.Süleimenovtı 80 jyldyq mereitoiymen qūttyqtap, onyŋ otandyq ziialy qauymnyŋ körnektı ökılı ekenın atap öttı.
– Naǧyz ziialy bılımdı ǧana bolyp qoimai, eŋ bastysy quanyşta da, qiyn sätterde de ärdaiym jūrtpen bırge bolyp, ar-namystyŋ ülgısın körsetedı, sol arqyly halyq bırlıgı men memleket quatyn saqtaidy. Sız «Nevada-Semei» qozǧalysyn basqardyŋyz jäne Semei iadrolyq poligonyn jabu ısınde zor kömek körsettıŋız. Keiıngı jyldary da jeŋıl bolǧan joq. Qazaqstan şekarasynyŋ demarkasiiasyn jürgızıp, täuelsızdıgın nyǧaitu kerek boldy. Būl ıste de Sızdıŋ ülesıŋız bar. Bügınde ziialy qauym ökılderı men bükıl jastarymyz üşın ülgı bolyp otyrsyz, – dedı Memleket basşysy.
Kezdesu barysynda Nūrsūltan Nazarbaev otandyq ädebiettı damytuǧa airyqşa üles qosqany üşın, sondai-aq tatulyq pen azamattyq kelısımdı nyǧaituǧa baǧyttalǧan belsendı qoǧamdyq qyzmetı üşın O.Süleimenovke «Qazaqstannyŋ Eŋbek Erı» Altyn jūldyzyn tapsyrdy.
Memleket basşysy aqynǧa myqty densaulyq, otbasy baqytyn jäne şyǧarmaşylyq tabys tıledı.
O.Süleimenov joǧary ataq berılgenı üşın alǧysyn bıldırdı jäne būl bükıl Qazaqstan ädebietın qoldaudyŋ körsetkışı ekenın aitty. Ol sondai-aq öz şyǧarmalarynyŋ barlyǧy halyq pen eldıŋ igılıgın arttyru nietımen jazylǧanyn aityp, memleketımızge baqytty bolaşaq tıledı.
Aqorda saitynyŋ habarlauy boiynşa
