Kezdesu aldynda qalalyq mäslihattyŋ sessiiasy öttı. Onda deputattar Astana qalasynyŋ jaŋa äkımı Baqyt Tūrlyhanūly Sūltanovtyŋ kandidaturasyn bırauyzdan maqūldady.
Nūrsūltan Nazarbaev Ä.İsekeşevtı Prezident Äkımşılıgınıŋ Basşysy lauazymyna taǧaiyndaluymen qūttyqtap, jaŋa jauapty qyzmetıne tabys tıledı.
Memleket basşysy Nūrsūltan Nazarbaev Ä.İsekeşevtıŋ käsıbi bılıktılıgı men jeke qasietterın atap ötıp, onyŋ elordany damytu jolynda atqarǧan jūmysynyŋ nätijelerıne toqtaldy.
Qazaqstan Prezidentı Astana qalasynyŋ būrynǧy äkımı Ä.İsekeşevtıŋ sıŋırgen eŋbegı jönınde aityp, qalanyŋ jaŋa basşylyǧynyŋ aldynda tūrǧan mındetterdı atap öttı.
– Men elorda äkımın taǧaiyndau mäselesıne zor män beremın. Qalany damytu ısı, sonyŋ ışınde Astanadaǧy bükıl nysandardyŋ qūrylysy ünemı menıŋ jeke baqylauymda. Būl – men üşın maŋyzdy basymdyq. Baqyt Sūltanovtyŋ memlekettık basqaru ısındegı täjıribesı mol ärı ūiymdastyruşylyq qabıletı jetkılıktı, – dedı Elbasy.
Jiyn barysynda Qazaqstan Prezidentı Astananyŋ jaŋa basşylyǧy aldynda tūrǧan bırqatar basymdyǧy bar mındetterdı atap öttı.
– Damudyŋ jaŋa modelın engızu qajet. İnnovasiiany ılgerıletu jäne kreativtı adamdardyŋ köbeiuı üşın qolaily orta qalyptastyrǧan jön. Sol üşın qalanyŋ 2050 jylǧa deiıngı ūzaq merzımdı damu strategiiasyn äzırleu kerek, – dedı Nūrsūltan Nazarbaev.
Elbasy «Astana» halyqaralyq qarjy ortalyǧynyŋ mümkındıkterın paidalana otyryp, Astanany ıskerlık qarjy haby retınde damytudy jalǧastyru qajet ekenın aitty.
Memleket basşysy jaŋa tūrǧyn üiler salu, tūrǧyndar üşın qolaily jaǧdai jasau, äleumettık nysandar tūrǧyzu mäselelerıne erekşe nazar audardy.
Sonymen qatar, Qazaqstan Prezidentı qalanyŋ infraqūrylymyn damytu qarqynyn saqtaudyŋ jäne şahardy gazben qamtu üşın daiyndyq jūmystaryn jürgızudıŋ maŋyzdylyǧyn aitty.
Nūrsūltan Nazarbaev elordanyŋ turistık äleuetın damytu ısınde älemnıŋ üzdık täjıribelerın qoldanudy tapsyrdy.
Elbasy qalanyŋ barlyq memlekettık qūrylymdarynyŋ jūmysyn transformasiialaudy jalǧastyru, körsetıletın memlekettık qyzmet sapasyn arttyru jäne sifrlandyru baǧdarlamasyn ıske asyru mäselelerın Astanany odan ärı damytudyŋ basymdyqtary retınde erekşe atap öttı.
Soŋynda Ä.İsekeşev pen B.Sūltanov senım bıldırgenı üşın Nūrsūltan Nazarbaevqa alǧys aityp, bas qalamyz ben bükıl elımızdı damytu ısıne özderınıŋ zor ülesterın qosatynyn jetkızdı.
