Astanada ükımettık emes ūiymdar ökılderı Memleket basşysy Nūrsūltan Nazarbaevtyŋ «Bolaşaqqa baǧdar: ruhani jaŋǧyru» atty baǧdarlamalyq maqalasyn talqylady.
Zaŋdy tūlǧalar bırlestıgınıŋ keŋeitılgen otyrysynda Elbasy maqalasynyŋ maŋyzy jönınde mändı oilar aityldy. Mäselen, «Astananyŋ KEŪ FORUMY» ZTB prezidentı Baian Ahmetjanova Memleket basşysynyŋ maqalasy qoǧamǧa qozǧau salǧanyn aitty. Öitkenı bügınde atalǧan maqalany ziialy qauym ökılderınen bastap jastarǧa deiın qoldap otyr. Al «Jaina Astana» qoǧamdyq bırlestıgınıŋ töraǧasy Mūhtar Erketaev jastardyŋ tärbiesıne erekşe män beru kerek ekenın eskerttı. Sebebı qazırgı taŋda jastardyŋ arman-tılegı mülde basqa bolyp otyr.
– Bızdıŋ elımızdıŋ eŋ basty maqsaty damyǧan 30 eldıŋ qataryna qosylyp, alpauyt memleketterdıŋ ortasynan oiyp oryn alu bolyp otyr. Alaida bız ekonomikalyq tūrǧydan ǧana emes, sonymen qatar, ruhani jaǧynan da älemde köşbasşy memleketke ainaluymyz kerek. Şyny kerek, qazırgı taŋda qoǧamda ekı türlı proses qatar jürıp jatyr. Mäselen, egde azamattar Keŋes ökımetın aŋsasa, al jastardyŋ «käsıpker bolamyn» degen bır ǧana maqsaty bar. Men mektep bıtıruşı tülekterden «Bolaşaqta qandai maman iesı bolǧyŋ keledı?» dep sūrasam, olar oilanbastan «prokuror, deputat, käsıpker bolamyn» dep jauap beredı. Alaida eŋ maŋyzdy mamandyq bolyp sanalatyn mūǧalım men därıger boluǧa eşkımnıŋ yqylasy joq. Eger bolaşaǧymyzdy oilaityn bolsaq, ūstazdar men därıgerlerdıŋ bedelın köteruımız kerek, – deidı ol.
Sondai-aq, jiynda «Astana qalasy azamattyq aliansy» ZTB prezidentı bolyp Arman Nūrǧazin sailandy. Köpşılık qauym oǧan senım bıldırıp, alda atqaratyn jūmystaryna sättılık tıledı.
Serık
JOLDASBAI
