Elordada «Elbasy medalı» baǧdarlamasyna qatysuşylardy marapattau räsımı öttı. Türlı salada erekşe közge tüsken 189 üzdık jasqa kümıs jäne qola medal tabys etıldı. Is-şara QR Täuelsızdıgınıŋ 30 jyldyǧyna orai ūiymdastyryldy.
«Elbasy medalı» baǧdarlamasy jetı baǧyttan tūrady. Atap aitqanda, sport, daryn men daǧdy, kıtap oqu, ūlttyq mūra, volonterlık, saiahat. Qatysuşylar 6 aidan 18 aiǧa deiın özı taŋdaǧan sala boiynşa berılgen tapsyrmalardy oryndaidy.
Joba avtorynyŋ aituynşa, atalǧan medal iegerlerı joǧary oqu oryndaryna bılım granttaryn taǧaiyndau kezınde artyqşylyqqa ie bolady. Iаǧni talapkerlerdıŋ ŪBT baldary teŋ bolǧan jaǧdaida «Elbasy medalınıŋ» iegerıne basymdyq berıledı.
«Bügınde jastardyŋ jeke tūlǧa bolyp qalyptasuy üşın barlyq mümkındıkter jasaluda. «Elbasy medalı» baǧdarlamasy – būl bılımdı jetıldıruge jäne tūlǧalyq ösuge baǧyttalǧan bıregei joba. Joba qatysuşylardyŋ talantyn aşuǧa kömektesedı, olar bılımge ūmtylady, qoǧam ömırıne belsendı qatysady, bolaşaqta ömırde paidaly bolatyn täjıribe jinaidy» dedı Qazaqstan Jastar kongresınıŋ atqaruşy direktory Toqtar Bolysov.
Qazırgı uaqytta «Elbasy medalı» baǧdarlamasyna 20 000-nan astam adam qatysty. Onyŋ ışınde 83% – mektep oquşylary, 11% – studentter, 6% – jūmys ısteitın jastar, 24%-y – auyldyq jerden kelgen qatysuşylar.
Aizada JAIYQQYZY
