Qazaqstan Respublikasynyŋ Prezidentı Nūrsūltan Nazarbaev BŪŪ Bas assambleiasynyŋ 70-sessiiasyna qatysu üşın Niu-Iork qalasyna baryp, ıs-şara aiasynda bırqatar memleketter men AQŞ-tyŋ jetekşı kompaniialarynyŋ basşylarymen kezdestı. Būl jönınde akorda.kz habarlady.
BŪŪ-nyŋ 2015 jyldan keiıngı damu kezeŋıne arnalǧan kün tärtıbın qabyldau jönındegı sammitte Nūrsūltan Äbışūly elımızdıŋ Myŋjyldyq damudyŋ segız maqsatyn jüzege asyru ısındegı jetıstıkterıne toqtaldy. Atap aitqanda, Qazaqstan memlekettılıktıŋ negızın nyǧaityp, azamattyq qoǧamnyŋ damuy üşın jaǧdai jasady. Sonymen qatar, respublikanyŋ ışkı jalpy önımı 19 ese ūlǧaidy, al halyqtyŋ jan basyna şaqqandaǧy tabysy 13 myŋ dollarǧa jettı. Qazaqstandyqtardyŋ ömır süru ūzaqtyǧy 70 jastan asty. Ana men bala ölımı 65 paiyzǧa azaidy, SPİD-ke, bezgekke jäne tuberkulezge qarsy küreste eleulı tabysqa qol jetkızıldı.
Elbasy respublikamyz parniktık gaz şyǧarylymyn qysqartyp, ǧalamşardyŋ biologiialyq äraluandyǧyn saqtauǧa atsalysyp otyrǧanyn airyqşa atady. «Bızder «jasyl» ekonomikaǧa köşudıŋ ūlttyq tūjyrymdamasyn bekıttık. Joiylyp bara jatqan Aral teŋızınıŋ mäselesı bızdıŋ öŋırge ǧana emes, bükıl älemge qater töndıredı. Teŋızdıŋ tartyluy saldarynan jyl saiyn 75 million tonnaǧa deiın şaŋ men uly tūzdy jel köterıp, onyŋ tozaŋy qazırdıŋ özınde Europa men Antarktidadan tabylyp otyr. Düniejüzılık banktıŋ qoldauymen bız Aral teŋızınıŋ soltüstık bölıgın qalpyna keltırdık. Bız BŪŪ-men jäne halyqaralyq qoǧamdastyqpen būrynǧy Semei iadrolyq poligony aimaǧyn sauyqtyru jönınde belsendı türde yntymaqtastyq ornatyp otyrmyz. Ortalyq Aziia elderı būl ekologiialyq problemalarmen küresu üşın kömek kütedı» dedı Elbasy.
Nūrsūltan Nazarbaev ǧalamşarymyzdy damytu jönındegı jahandyq qūjatty Qazaqstannyŋ da qoldaitynyn atap aitty. «Qazırgı zamanǧy qauıp-qaterge bızdıŋ berer jauabymyz «Qazaqstan – 2050» strategiiasy bolyp sanalady. Onyŋ maqsaty – eldı älemdegı eŋ damyǧan 30 memlekettıŋ qataryna qosu. Bız Ūlt josparyn, Bes institusiialyq reformany jüzege asyryp jatyrmyz. Būlar memlekettık basqaru apparatyn jaŋǧyrtuǧa, azamattyq jäne qūqyqtyq instituttardyŋ jūmysyn jetıldıruge, ekonomikany industriialandyrudy jalǧastyruǧa baǧyttalǧan» dedı.
Issapar aiasynda memleket basşysy AQŞ-tyŋ «Guggenheim», «JP Morgan», «Pfizer», «Blackstone» jäne basqa da jetekşı kompaniialarynyŋ basşylarymen kezdestı. Jiynda Qazaqstan ekonomikasynyŋ odan ärı damuyna qatysu aiasyn keŋeitu joldary men Astana halyqaralyq qarjy ortalyǧyn qūru baǧytyndaǧy yntymaqtastyqtyŋ mümkındıkterı talqylandy.
Sonymen qatar, memleket basşysy «11 qyrküiek» ūlttyq memorialyna baryp, 2001 jyly qaza bolǧandar memorialyna gül qoidy.
