Qazaqstan Prezidentı Nūrsūltan Nazarbaev bır top qazaqstandyqtarǧa memlekettık nagradalar tapsyrdy. Elbasy saltanatty räsımge qatysuşylardy Täuelsızdık künımen qūttyqtap, būl asa maŋyzdy tarihi oqiǧa jaŋa Qazaqstannyŋ damuyna jol aşyp, bıregei mümkındıkter tuǧyzǧanyn atap öttı.
– Bız älemnıŋ ozyq damyǧan 30 elınıŋ qataryna qosyludy maqsat tūtqan berık ärı ornyqty memleket qūrdyq. Damu jolyn ūstana otyryp, bız türlı salalar men baǧyttarda zor tabysqa jettık. Būl jetıstıkterge barşa qazaqstandyqtardyŋ küş-jıgerı men jasampaz quatynyŋ arqasynda qol jetkızdık, – dedı Elbasy.
Qazaqstan Prezidentı memleketımız jyl saiyn Otanymyzdyŋ güldenuıne zor üles qosqan azamattaryn nagradalarmen marapattap, syilyqtar tapsyratynyn aityp, mūndai marapatqa eŋ üzdıkter, käsıbi tūrǧydan biıktı baǧyndyrǧan jäne qoǧam tarapynan moiyndalǧan adamdar ǧana ie bolatynyna toqtaldy.
– Sızder öskeleŋ ūrpaq pen elımızdıŋ barşa azamattary üşın aianbai qyzmet etudıŋ, eŋbektı airyqşa qūrmetteudıŋ jäne naǧyz patriotizmnıŋ jarqyn ülgısı bolyp sanalasyzdar. Sızderdıŋ jetıstıkterıŋız memlekettıŋ eŋ joǧary baǧasyna jäne halyqtyŋ qūrmetıne ie boluǧa tiıs, – dedı Nūrsūltan Nazarbaev.
Memleket basşysy «Aqtöbe qalasyndaǧy sal auruyna şaldyqqan azamattardy qoldau ortalyǧy» qoǧamdyq bırlestıgınıŋ töraiymy Qūralai Bazarbaiqyzy Bäimenovaǧa, bılım beru jüiesın damytuǧa mol üles qosyp kele jatqan Alina Robertovna Solovevaǧa, adal eŋbegı arqyly tuǧan jerınıŋ damuyna jäne örkendeuıne aitarlyqtai üles qosyp kele jatqan ırı şarua qojalyǧynyŋ basşysy Sairambai Älıqūlūly Dönenbaevqa «Qazaqstannyŋ Eŋbek Erı» ataǧyn tapsyrdy.
II därejelı «Barys» ordenımen Abai Baigenjin men Qazaqstannyŋ halyq jazuşysy Qabdeş Jūmadıldı marapattaldy.
Nūrsūltan Nazarbaev Astana qalalyq Işkı ıster departamentı Jol-patruldık polisiiasynyŋ inspektory Azamat Baltabaevty II därejelı «Aibyn» ordenımen marapattai otyryp, qaharman käsıbınıŋ ielerı azamattarymyzdyŋ qauıpsızdıgı men tynyştyǧyn qamtamasyz etu jolynda ärdaiym erlık körsetuge äzır ekenın atap öttı.
Elbasy ädebiet pen öner salasyndaǧy joǧary marapatty Tynyştyqbek Äbdıkäkımovke, Aqūştap Baqtygereevaǧa jäne Ötegen Oralbaevqa tabys etıp, azamattarymyzdyŋ ruhani tūrǧydan jaŋǧyruy men şyǧarmaşylyq äleuetınıŋ damuy elımızdıŋ maŋyzdy basymdyǧy bolyp sanalatynyn aitty.
«Qazaqstannyŋ eŋbek sıŋırgen qairatkerı» ataǧy kino ärtısı S.I.Esliamovaǧa jäne «Qūrmanǧazy atyndaǧy Qazaq ūlttyq konservatoriiasy» RMM aǧa oqytuşysy Iа.S.Rudkovskiige berıldı.
Sonymen qatar, räsım barysynda Qazaqstan Respublikasynyŋ ädebiet pen öner salasyndaǧy 2018 jylǧy memlekettık syilyq «Abai» operasy üşın T.N.Älpiev, S.Ä.Baiǧojin, Ǧ.A.Ahmadiiarovtan qūralǧan avtorlar ūjymyna jäne «Anaǧa aparar jol» tolyqmetrlı körkem filmı üşın A.Q.Sataev, Ä.N.Nazarbaeva, A.B.Nögerbek, Ä.E.Ahmetovtan qūralǧan avtorlar ūjymyna tabys etıldı.
Qazaqstan Prezidentı memlekettık nagradalar men syilyqtar elımızdıŋ basty merekesı – Täuelsızdık künı qarsaŋynda tabys etıluınıŋ simvoldyq mänıne toqtaldy.
– Sızder memlekettıŋ osy joǧary baǧasyna laiyqty bolyp, Qazaqstan halqynyŋ igılıgı jolynda qyzmet ete beretınderıŋızge senımdımın. Jastarymyz sızder salǧan jolmen jürıp, jaŋa belester men ısterdı baǧyndyratyn bolady. Otanymyzdyŋ qauıpsızdıgı men baquattylyǧy sızderdıŋ qoldaryŋyzda! Osy joǧary ärı märtebelı missiiaǧa ärqaşan laiyq bolyŋyzdar! – dedı Nūrsūltan Nazarbaev.
