Elbasy Parlament palatalarynyŋ bırıkken otyrysynda jariia etken «Bes äleumettık bastamany» bılım-ǧylym salasy, sonyŋ ışınde joǧary mektep zor yqylaspen qabyldady.
Būl tosyn da jaŋaşyl ündeu – ärbırımızdıŋ taǧdyrymyz turaly. Elımızdıŋ şirek ǧasyrdaǧy nätijelı eŋbegınıŋ maŋyzdy kezeŋı jönınde. Äleumet pen äleuet baiany – jarqyn ısterdı jalǧastyrudyŋ közı men tetıgı turaly.
İä, būl ündeudıŋ aty – «Prezidenttıŋ bes äleumettık bastamasy».
Būl – Elbasynyŋ jüz oilanyp, jüz tolǧanǧan el eŋsesın tıktetetın, eldıktıŋ baiandy mūrattaryn körsetetın naqty ıs jospary.
Tıptı «bes bastama» degennıŋ de rämızdı mänı bar. Mūnda bırlık pen tırlıktıŋ, jūmylu men serpıludıŋ sipaty aŋǧarylady.
Är otbasy jeŋıldıkpen päterlı bolyp jatsa, salyq jüiesı odan saiyn oŋtailansa, joǧary mektepke degen memlekettık ynta-yqylas arta tüsse, nesie negızı näsıp ainalsa, äleumettıŋ iaki halyqtyŋ quanyşy eselene tüsedı. Äleumettık bastamanyŋ äleuetı de – osynda!
Jalpy, «Prezidenttıŋ bes äleumettık bastamasynyŋ» jemısın, būiyrsa, Qazaqstannyŋ bar öŋırı, barşa azamattary bır kısıdei köredı. Ündeudıŋ ön boiynda Elbasy äleumettık serpılıs pen el bırlıgın qatar aityp otyrdy. Äsırese, «Būl – bızdıŋ qoǧamnyŋ äleumettık bırlıgın nyǧaitu üşın jıgerımızdı janyp, naqty ıske kırısetın sät. Bız ony auqymdy äleumettık jobalar arqyly jüzege asyramyz. Memleket osyndai tübegeilı şaralardy qolǧa alady. «Qazaqstan – bızdıŋ ortaq üiımız» degen ideia jaŋa maǧynamen tolyǧa tüsuge tiıs» degen oida qanşama tereŋ maǧyna bar.
Memleket basşysy qaşanda elıne senedı, el Elbasy sözınıŋ äbden baiyptalyp, tarazylanyp, zerdelenıp aitylatynyn bıledı. Sondyqtan ündeudegı: «Men örkendegen Qazaqstan – eŋ aldymen memleketı özın qorǧap, qoldaitynyn, qamqorlyq jasaitynyn sezınetın, tiısınşe elın jan jüregımen süietın, özderıne senımdı adamdar dep sanaimyn» degen joldar airandai ūiyǧan halqymyzdy odan saiyn toptastyra tüstı.
Äleumettık 5 bastamanyŋ bır bastamasy joǧary bılım salasyna arnalǧany jastardyŋ Otanǧa degen senımı men ümıtın tereŋnen sezınu dep bılemız. Būl rette Elbasy: «Bız älemdık standarttarǧa sai bılım beru jüiesın qalyptastyra otyryp, studentterdıŋ bılım aluyna jäne tūratyn jerıne jaǧdai jasauǧa tiıstı nazar audaruymyz qajet» dedı. Memlekettık bılım grantyn – 20 myŋǧa, Studentter üiındegı jatyn oryndy 75 myŋǧa arttyru naqty jūmystardyŋ bır parasy ǧana. Būl aiada elge qajettı mamandyqtardyŋ sūranysy men talabyn qūnttau, jataqhanany salamattylyq pen bırlıktıŋ qūthanasyna ainaldyru syndy mändı jūmystar kütıp tūr. Mūny da Memleket basşysy qadap tūryp aitty. Jastardy bılımdı de bılıktı etu ısın «adam resurstaryna salynatyn ülken salym» dep atap körsettı.
«Prezidenttıŋ bes äleumettık bastamasy» – Elbasynyŋ aqyly, parasaty, tabandylyǧy, şeberlıgı, qajyr-qairaty, meiırımı, armany, ümıtı. Mūnyŋ bärı Mäŋgılık el mūratymen, ruhani jaŋǧyru jolymen, äzız täuelsızdıgımızdıŋ talabymen tūtasady.
Bırınşıden, būl ündeu – ūlttyq damudyŋ jaŋa baǧdarlamasy.
Bız, bılım salasynyŋ mamandary, täuelsızdık jyldardaǧy Elbasynyŋ, elşıl azamattarymyzdyŋ, tatu halqymyzdyŋ maŋdai terın, ızgı nietın kördık. Talai synǧa tötep berdık. Myna bes bastama – älemdık ekonomikalyq daǧdarystyŋ syn-qaterıne Qazaqstan jolynyŋ jauaby.
Ekınşıden, Nūrsūltan Nazarbaev – jai el basşysy emes, qūruşy, jasampaz, köregen Prezident. Sondyqtan Astanany der kezınde tūrǧyzǧandai, älemdık EKSPO körmesın jaiqaltqandai, bolatyndy keiınge qaldyratyn uaqyt joq. Endeşe, būl äleumettık äleuettı bastamalar – jaŋa Qazaqstannyŋ tūla boiyna odan saiyn qan jügırtetın, elımızdıŋ tört tarabyn bır yrǧaqpen serpıltetın jasampazdyq joly.
Üşınşıden, Elbasy täuelsızdık jyldary ärkez «Bızdıŋ öz jolymyz bar» dep mälımdedı. Būl bastamalar – Qazaqstan jolynyŋ batyl täjıribesı, Qazaqstan jolynyŋ bırlık epopeiasy bolǧaly tūr.
Qazaqstan memleketınıŋ ärbır belestı kezeŋıne kuä bolu – zamandastarymyzdyŋ asqaq armany. Bız bärı oidaǧydai bolatynyna senımdımız.
Erlan SYDYQOV,
Astana qalalyq mäslihatynyŋ deputaty,
L.Gumilev atyndaǧy Euraziia ūlttyq universitetınıŋ
rektory, akademik
