Nur Otan partiiasy Nūr-Sūltan qalalyq filialynda «Prezident Qasym-Jomart Toqaevtyŋ 10 mındetı: memlekettıŋ äleumettık-ekonomikalyq damu basymdyqtary» atty döŋgelek üstel öttı. Onyŋ jūmysyna saiasi partiialardyŋ, memlekettık organdardyŋ, ükımettık emes ūiymdardyŋ, ziialy qauymnyŋ ökılderı, joǧary oqu oryndarynyŋ professorlary men oqytuşylary, Nur Otan partiiasy «Jas Otan» jastar qanatynyŋ elordalyq filialynyŋ belsendılerı qatysty. Basqosu barysynda jinalǧan qauym Prezidenttıŋ janynan qūrylatyn Ūlttyq qoǧamdyq senım keŋesınıŋ jūmysyn ūiymdastyru, ony damytuǧa qatysty tūşymdy oi-pıkırlerın, ūtymdy ūsynystaryn ortaǧa saldy. Osy jiynda aitylǧan parasatty pıkırler men oramdy oilardy yqşamdap jariialap otyrmyz.
Särsenbai MYŊBAEV, Baiqoŋyr audandyq Ardagerler keŋesınıŋ töraǧasy:
– Qazır bilık pen būqaranyŋ arasy säl alşaqtap kettı. Negızı, alşaqtyq bolmau kerek. Bilık halyqpen etene aralasyp, qoǧamdaǧy kürmeuı şeşılmegen mäselelerdıŋ barlyǧynyŋ tüp-tamyryna üŋılıp, oŋtaily şeşu joldaryn qarastyrǧany abzal. Prezidenttıŋ 10 mındetınıŋ ışındegı eŋ bastysy – äleumettık mäseleler. Bızdıŋ qoǧamda äleumettık mäseleler ret-retımen şeşılude. Bıraq ony ärkım ärtürlı tüsınedı. Men bır mysal keltıreiın. Osydan 20 jyl būryn elordada jedel järdem şaqyrsaŋ, därıgerler: «Ekpeŋız bar ma, salyp bereiın» deitın. «Auruhanaǧa jatatyn bolsaŋ, ydys-aiaǧyŋdy, jaimaŋdy özıŋmen ala kel» degen sözderdı öz qūlaǧymyzben estıdık, közımızben kördık. Juyrda bır oqiǧanyŋ kuäsı boldym. Elordanyŋ №2 auruhanasyna bır adamdy apardym. Nauqastyŋ janyna bır därıgerdı ılestırıp, 2 saǧattyŋ ışınde barlyq tekserısten ötkızıp, qandai em-dom qabyldaitynyn anyqtady. Ärı taŋǧaldym, ärı quandym.
Tölegen KÜNÄDILOV, Nūr-Sūltan qalalyq käsıpodaqtar ortalyǧy töraǧasynyŋ orynbasary:
– Elımızde jyl saiyn 1,5 myŋ adam öndırıste jaraqat alady. Sonyŋ ışınde 200 adam köz jūmady. 2018 jyly elordada osyndai 58 oqiǧa tırkelıp, sonyŋ ışınde 15-ı mert bolǧan. Qaiǧyly 15 oqiǧanyŋ 12-sı qūrylysta tırkelgen. Būl jaǧdaidyŋ sebepterın zerttei kele anyqtalǧany, «BAZİS-A», «BI Group» siiaqty ırı-ırı bas merdıgerler ärtürlı jūmystarǧa ūsaq qūrylys brigadalaryn tartady eken. Halyqtyŋ arasynda «jabaiy brigada» dep atalatyn mūndai ūjymdar köbınese eŋbek şartyn jasaspaityn, bılımı taiaz adamdardan qūralady. Düniejüzılık densaulyq saqtau ūiymynyŋ mälımetterı boiynşa öndırıstegı jaraqat alu oqiǧalarynyŋ denı taŋerteŋ bolady eken. Sondyqtan qaiǧyly jaǧdailardyŋ aldyn alu üşın qalalyq käsıpodaqtar ortalyǧy sporttyq-sauyqtyru keşenın aşty.
Baǧdäulet JANDILDAEV, Nur Otan partiiasy «Jas Otan» jastar qanatynyŋ Nūr-Sūltan qalalyq filialynyŋ basşysy:
– Biyl – Jastar jyly, kelesı jyly – Erıktıler jyly. Memleket jastardy jan-jaqty qoldauǧa erekşe köŋıl bölude. Menıŋşe, Prezidenttıŋ janynan qūrylatyn Ūlttyq qoǧamdyq senım keŋesıne jastar ökılderın köbırek tartu qajet. Öitkenı olar oi-ūsynystaryn aşyq aitady. Mysaly, «Jas Otan» jastar qanatynyŋ elordalyq filialynyŋ «Erkın pıkır» atty pıkırsaiys platformasy bar. Osy alaŋda jastar özderın tolǧandyrǧan barlyq taqyryptarǧa qatysty oi-pıkırlerın, ūsynys-tılekterın aşyq jetkızıp jür.
