BALALAR ALAŊQAIYNA BAP KEREK
Özı tūryp jatqan aulasy men maŋaiyna beijai qarai almaityn keibır tūrǧyndardyŋ qyraǧylyǧynyŋ arqasynda qalamyzdaǧy keibır kemşılıkter der kezınde anyqtalyp, şara qoldanylyp jatady. «Halyqtyq baqylau» aidary arqyly Astana qalasynyŋ kommunaldyq şaruaşylyq qyzmetkerlerınıŋ nazaryn audaruǧa baǧyttalǧan hattardyŋ köbı balalar alaŋqaiynyŋ tazalyǧy men qauıpsızdıgıne qatysty bolyp jatady.
Puşkin köşesı, 7-üidıŋ tūrǧyny Venera Behbudova esımdı tūrǧyn Astana qalasy äkımdıgınıŋ saityna balalar aulasynyŋ bırneşe aidan berı qoqystan tazarmai jatqanyn aityp şaǧym jazypty. Tūrǧynnyŋ aituynşa, şylym qaldyqtary, şyny synyqtary aralas qoqys sonau säuır aiynan berı jatyr. «Säuır aiynda aula jinauşylar (KSK qyzmetkerlerı boluy mümkın red.) tura balalar oinaityn alaŋqaiǧa qoqys üiıp kettı. Sodan berı bır aidan astam uaqyt öttı, eşkım kelıp tazalaǧan joq. KSK-ǧa bırneşe ret habarlasyp eskertu jasadyq. Alaida, eş nätije şyqqan joq» deptı şaǧym aituşy.
Almaty audany äkımınıŋ apparaty būl hatqa 7 künnıŋ ışınde jauap joldapty. «Qūrmettı, Venera! Almaty audany äkımınıŋ apparaty tarapynan sızdıŋ hatyŋyz boiynşa tekseru jürgızılıp, naqty şaralar qoldanyldy. Aula qoqystan tazartylyp, üi tūrǧyndaryna qyzmet körsetetın «Tūlpar» PİK-nıŋ basşylyǧyna aulany der qoqystan tazartyp tūru turaly eskertu berılıp, aiyppūl salyndy. Puşkin köşesı, 7-üidıŋ aulasy ünemı baqylauymyzda bolady» delıngen jauap hatta.
Qūm salǧyş tügıl qoqys jäşıgı joq.
Taǧy bır hatta tozyǧy jetken balalar alaŋqaiy söz etılgen. Petrov, 5 mekenjaiynan hat joldaǧan Iýliia Iýnina esımdı tūrǧyn balalar alaŋqaiyn qaita jaraqtandyrudy ärı ol jerde tūrǧan jalǧyz ätkenşektıŋ 1970 jyldan berı qirap tūrǧanyn jazǧan. «Balalar oinaityn qūm tügılı qoqys tastaityn jäşıkke jarymai kelemız» deidı ol.
Almaty audany äkımı apparatynyŋ jauaby:
Qūrmettı Iýliia! Petrov, 5 mekenjaiy boiynşa balalar alaŋqaiyn jasaqtau jūmystary 2017 jylǧa josparlanǧan. Joba boiynşa ol jerde oiyn alaŋy, gimnastika aulasy jäne oryndyqtary bar qorşauly alaŋqai salynady. Qūm töseuge qatysty mynany habarlaimyz: Astana qalasynyŋ sanitarlyq talaptaryna säikes tūrǧyn-üi şaruaşylyǧyna jauapty
mekemeler 15 säuır – 15 qazan aralyǧynda kemınde bır ret taza qūm töguge mındettı. Öz ısıne salǧyrt qaraǧany üşın PİK «Raduga» mekemesınıŋ töraǧasy äkımşılık jauapkerşılıkke tartyldy. Bügınde alaŋqaiǧa qūm tögıldı.
Sondai-aq, Respublika daŋǧylynda ornalasqan 26-üidıŋ tūrǧyndary da balalaryn aulaǧa jıberuge qorqatyndaryn aityp hat joldapty. Onda 10 jyldan berı jöndeu jūmystary jürgızılmegendıkten, auladaǧy oiynşyq atauly bala ömırıne qauıp töndırerlık jaǧdaiǧa tüskenı baiandalady. Äsırese, syrǧanaqtar men ätkenşekterdıŋ halı müşkıl. Qoqys jäşıgınen şyǧatyn külımsı iıstıŋ kesırınen tūrǧyndar balalaryn qūmmen oinauǧa jıbere almaityn jaǧdaiǧa tüsken. Būl jaǧdaidy äkımdık saityna Äliia Qadyrbaeva baiandap bergen.
Almaty audanynyŋ äkımı apparatynyŋ mälımdeuınşe, būl mäsele de qazır şeşımın tauyp otyr. № 26 üidıŋ aulasy qalpyna keltırılıp, şaǧyn arhitekturalyq nysandar tügeldei qalpyna keltırılgen. Balalar oinaityn qūm basqa jaqqa auystyryldy.
JERTÖLE ME, ÄLDE KÖLŞIK PE?
Äkımdık saityna şaruaşylyq qyzmetıne köŋılı tolmai habarlasyp jatatyndar barşylyq. Riza Nūrǧalieva esımdı tūrǧyn jertölege jinalyp qalǧan sasyq sudyŋ tūrǧyndardyŋ mazasyn alyp otyrǧanyn aitypty.
«Äuezov köşesınde ornalasqan 45-üidıŋ jertölesı tūrmystyq qaldyqtar aralasqan borsyǧan sudan köz aşpai otyr. Qaşan barsaŋ da jertölemız lyq tolyp tūrady. Osy mäsele boiynşa «109» qyzmetıne habarlasqan edım. «109» qyzmetı «Sūŋqar» PİK-ne habarlassa, mūndaǧylar jertölede eşqandai su joq. Qūp-qūrǧaq» dep, jauap qatypty. Tazartyp qoiǧan şyǧar dep qaita barsam eşteŋe özgermegen. Sol baiaǧy qolqany qabatyn sasyq suǧa lyqyp tūr. Köŋıl audarudy sūraimyn!» deptı Riza Nūrǧalieva.
Tūrǧyn üi inspeksiiasy basqarmasy būl şaǧymdy 4 künnıŋ ışınde qarap, jertölesı suǧa tolǧan üidı tolyqtai öz baqylauyna alyp otyr. Basqarmanyŋ mälımetınşe, oqys jaǧdai kärız qūbyryndaǧy soru jüiesınıŋ ısten şyǧuynan tuyndaǧan. Bügıngı taŋda aqau rettelıp, jertölenıŋ suyn sorǧyzu jäne qoqystan tazartu jūmystary jürgızılıp jatyr. Al kemşılıkke jol bergen «Sūŋqar» mekemesıne eskertu jasalǧan.
KÖŞE ATAUYNA QYRAǦYLYQ QAJET
Keide «Halyqtyq baqylau» aidaryna köşedegı syrtqy jarnamalar men bilbordtar, sondai-aq, köşe ataularynda kezdesetın qatelıkterge qatysty aryz-şaǧymdar tüsıp jatady. Mūndai qatelıkter, ärine, qala körkın būzatyny dausyz.
Maqsūt esımdı bır tūrǧyn Yqylas Dükenūly babamyzdyŋ atyna berılgen köşeden öreskel qatelık tauyp, «№10 üidıŋ qabyrǧasyndaǧy Y.Dükenūly köşesı degen atau Y.Dūkenūly dep qate jazylǧan» dep saitqa şaǧym qaldyryp, suretın qosa jıbergen eken.
Qūzyrly mekeme de şaǧymdanuşyǧa köpke sozbai jauap berıptı. Jauap hatta «Kūrmettı, Maqsūt Kairatūly! Astana qalasy Saryarqa audany äkımınıŋ apparaty, Sızdıŋ köşe atauynyŋ qate jazylǧany jönındegı ündeuıŋızdı qarastyryp, aǧymdaǧy jyly şılde aiynyŋ 18-ne deiın «İnformasiia kommersiia stroitelstvo» JŞS merdıgerlık ūiymymen atalǧan aqaular joiylatyŋdyǧyn habarlaidy» delıngen.
Daiyndaǧan: Bürkıt NŪRASYL
Derekter www.astana.kz saitynyŋ «Halyqtyq baqylau» bölımınen ırıktelıp alyndy.
