Elektrondy äkımdık
Jügensız jürgızuşı nege köp?
Qalamyzda kölıgın kez kelgen jerge jön-josyqsyz qaldyra beretın dörekı jürgızuşıler az emes. Kelgen hattardyŋ bırazy osyndai jürgızuşılerdı sabasyna tüsırıp, şara qoldanudy sūrapty.
Mynau Evgenii Senkovskii esımdı qala tūrǧyny jıbergen fotolar. Suret avtory tärtıpke baǧynbaityn «Hiundai» markaly kölıktıŋ (memlekettık nömırı 159 COA/01) Bögenbai batyr daŋǧyly boiynda tūrǧanyn jetkızgen. Ekınşı suretten 492 DUA/01 nömırlı «Nissan» kölıgınıŋ toqtauǧa bolmaityn jerden köleŋke tauyp, qalǧyp tūrǧanyn baiqauǧa bolady. Foto 23 mamyr künı Abai daŋǧyly boiynan tüsırılıptı.
Astana qalasynyŋ Işkı ıster departamentı jergılıktı polisiia qyzmetı ekı kölık iesınıŋ zaŋ būzǧany anyqtalyp, tiıstı şara qoldanylǧanyn habardar etıptı. Bırınşı kölıkke Qazaqstan Respublikasy «Äkımşılık qūqyq būzuşylyq turaly» Kodeksınıŋ 505-babynyŋ 1-bölıgı, iaǧni, qalalyq abattandyru erejelerın būzu faktısı boiynşa äkımşılık jaza taǧaiyndalyp, aiyppūl salynsa, ekınşı oqiǧa boiynşa, jol belgılerın saqtamaǧany üşın 5 AEK aiyppūl mölşerınde äkimşilik jaza qoldanylǧan.
Tūt köbelegı tūldai qylmasyn
Äkımdık saityna şaruaşylyq qyzmetıne köŋılı tolmai habarlasyp jatatyndar barşylyq. Nina Dziuba esımdı tūrǧyn är türlı ziiankesterge qarsy jürgızıluı tiıs profilaktikalyq jūmystardyŋ jüiesızdıgıne renışın bıldırıptı. Der kezınde ulau jūmystary jürgızılmegendıkten, keibır aula aǧaştary qurai bastaǧan.
«Bızdıŋ üidıŋ aulasyndaǧy (Baiseiıtova, 8) künımız tüsıp otyrǧan bırneşe tüp aǧaş kemırgış qūrttardyŋ kesırınen qurap jatyr. Tūrǧyndar öz küşımızben zalalsyzdandyru jūmystaryn jürgızıp körmek bolǧan edık, alaida eş nätije bolmady. Japyraǧyn tügel jep qoiǧandyqtan, tört tüp aǧaş älden qurap qaldy. Şara qoldanularyŋyzdy sūraimyz» dep, japyraqtardy armansyz jep jürgen jasyl qūrttardyŋ suretın qosa salyp jıbergen.
Qūzyrly mekeme de şaǧymdanuşyǧa köpke sozbai jauap berıptı.
Jauap hatta «Kūrmettı, Dziuba Nina Iýrevna! Astana qalasy Saryarqa audany äkımınıŋ apparaty Sızdıŋ hatyŋyzdan keiın, «Astana kögaldandyru qūrylysy» AQ himiialau qyzmetınıŋ mamandary Baiseiıtova, 8 köşesı aumaǧyndaǧy jasyl jelekterde ulau jūmystaryn jürgızdı. Barlyǧy 60 tüp aǧaşqa öŋdeu jūmystary jürgızıldı» delıngen jauap hatta.
«Tūrmys» qaşan tüzeledı?
Bügınde Astana qalasynda der kezınde jaŋǧyrtu jūmystary jasalyp, aldyn alu jūmystary jan-jaqty qolǧa alynyp jatyr. Alaida soǧan qaramastan, şeşımın tappai jatatyn jaittar da joq emes. «Halyqtyq baqylau» aidary arqyly Astana qalasynyŋ äkımdıgıne kelıp tüsıp jatatyn hattardyŋ köbı PİK mäselesıne qatysty bolyp jatady.
Saryarqa audanyna qarasty 189 köşesındegı 12/1-üidıŋ tūrǧyny Darhan Nūrsadyqov esımdı bır tūrǧyn Astana qalasynyŋ äkımdıgınıŋ saityna «Tūrmys» PİK mekemesınıŋ jūmysyna köŋılı tolmaitynyn aityp, küllı üi tūrǧyndarynyŋ atynan dep bır qūşaq şaǧym joldapty. Tūrǧynnyŋ aituynşa, üi tūrǧyndary auyq-auyq sudan ajyratylyp qalady eken. «Äsırese, soŋǧy ekı aidan berı ystyq jäne suyq suǧa jarymai otyrmyz. Jertöledegı sorǧyş-kompressorlyq qūrylǧylardyŋ jiı-jiı ısten şyǧyp qalyp jatyr. Tötenşe qyzmet mamandary bırneşe kün jaǧalasyp, ıske qosyp ketedı. Alaida, qūrylǧylar ary ketse bır apta ǧana şydaidy. Qaitadan būzylady. Keibır demalys künderı müldem susyz otyramyz. PİK mamandary demalys künderı jūmysqa şyqpaidy. Telefon soqsaq kötermeidı, ofiste eşkım bolmaidy» deidı şaǧym aituşy.
Sonymen qatar, ötınış iesı üi ielerınıŋ aula tazalyǧyna köŋılderı tolmaitynyn bıldırgen. № 12/1, 12/2 jäne 12/3 üidıŋ aulalary älı künge deiın jöndelmegen. Bordiurler müldem jaramsyz jaǧdaiǧa jetken. Al joldyŋ jiegı degen atymen joq. Sonyŋ kesırınen kölıkter döŋgelegımen ılese kelgen qūm-balşyq aulaǧa şaşylyp jatady. Jaŋbyrly künderı jüru mümkın emes eken.
Sondai-aq, «Tūrmys» PİK-ı tūrǧyndardyŋ kelısımın almastan üi şatyryna bailanys operatorlarynyŋ bırınıŋ serverı men antennasyn ornatyp qoiǧanyn aitady. «Būl tūrǧyndardyŋ ömırıne qauıp töndırıp otyr. Antennadan taraityn radiasiialyq säule äsırese, joǧary qabat tūrǧyndary (özım de joǧary qabatta tūramyn) üşın öte qauıptı. «Tūrmys» mekemesıne aiyna 2600-3000 teŋge aralyǧynda aqşa töleimız. Būl aqşalar qaida jūmsalyp jatyr? Şara qoldanularyŋyzdy sūraimyz» delınıptı hatta.
Būl hatqa Tūrǧyn üi inspeksiiasy basqarmasy 6 kün ışınde jauap berıptı. «Qūrmettı, Darhan Nūrsadyqov! Sızdıŋ hatyŋyzdy qarastyryp bız mynany habarlaimyz: sız keltırgen derekter tekserılıp, şaralar qoldanyldy. «Tūrmys» mekemesınıŋ bas injenerımen bolǧan tüsındıru jūmystary barysynda osy jyldyŋ mamyr aiynda atalmyş tūrǧyn-üi aumaǧynda qalalyq kommunaldyq qyzmet mamandary jylytu jäne sumen jabdyqtau qūrylǧylaryna kürdelı jöndeu jūmystary jürgızılgenı belgılı boldy. Sız söz etken jaittar osy kezde tuyndauy mümkın ekenın eskertemız. Sondai-aq, aulany körkeitu turaly şaǧymyŋyz kommunaldyq şaruaşylyq basqarmasynyŋ qarauyna jıberıldı» delıngen jauap hatta.
Al ūialy bailanys antennasyna qatysty saualǧa atalmyş qūrylǧylardyŋ elektromagnittık säule bölu faktısınıŋ eşqaşan anyqtalmaǧanyn ärı būl tolqyn taratuşy stansalardyŋ sanitarlyq-epidemiologiialyq baqylau ortalyǧynan alǧan tiıstı pasporty bar ekenı körsetılıptı.
«Tūrmys» PİK-ıne qatysty mäsele mūnymen ǧana şektelmeidı. Saiat Sūltan esımdı taǧy bır tūrǧyn «Tūrmys» mekemesı qyzmet etetın Tılendiev köşesı, 36-üidıŋ qasbetı köpten berı salbyrap bos tūrǧanyn jazyp otyr. Bügınde adam ömırıne qauıp töndırıp tūrǧan qasbet jöndelgen. Tūrǧyn üi inspeksiiasy basqarmasy «Tūrmysqa» qatysty tiıstı şaralar qoldanylǧanyn jazypty.
Daiyndaǧan Bürkıt NŪRASYL
Derekter www.astana.kz
saitynyŋ «Halyqtyq baqylau» bölımınen ırıktelıp alyndy.