«…JALAŊBŪT JÜRER JAIYM JOQ»
Viacheslav Kuzmin:
– №12 avtobustyŋ marşrutyn alyp tastaǧandaryŋyzdy juyrda ǧana bıldım. Konstitusiia köşesınen Sol jaǧalauǧa, Qonaev köşesındegı QTJ ǧimaratyna deiın baratyn jalǧyz kölık edı. Bızdıŋ oramda öŋkei temırjolşylar tūrady, solardyŋ denı osy №12 marşrutqa mınetın. Ylǧi ışıne adam syimai, auzy-mūrnynan şyǧyp jüretın. Ony alyp tastauǧa ne sebep boldy, älde ornyna basqa avtobus şyǧa ma? Jolşybai kölık auystyryp, avtobustan avtobusqa mınıp jüru jönınde aita körmeŋızder, jolaqy onsyz da qymbat, dıttegen jerımızge jetkenşe qaltamyz qaǧylyp, jalaŋbūt qalatyn jaiymyz joq.
Osy şaǧymǧa bailanysty 5 kün ışınde jauap berıldı.
Jolauşylar kölıgı jäne avtomobil joldary basqarmasy:
– Qūrmettı Viacheslav Aleksandrovich! Sızdıŋ hatyŋyzda jazylǧan jäitke bailanysty mynany qaperleimız: №12 marşruttyŋ jürıs täsımı ǧylymi zertteu negızınde, onyŋ jūmysynyŋ tiımdılıgın arttyryp, jüktemesın jeŋıldetu, qozǧalys jiılıgın qysqartu maqsatynda özgertıldı. Onyŋ üstıne, atalǧan audanǧa qatynaityn marşruttar jetkılıktı, atap aitqanda, №42, 6, 26, 20, 33, 106, 103 avtobustar tolassyz aǧylyp jatady, sondai-aq, №130 şaǧyn avtobus syiymdylyǧy ülken №81 marşrutpen auystyrylmaqşy. Qala ışınde qatynap, sapar şegetın jolauşy qoǧamdyq kölık baǧdaryn özgertpei, avtobustan avtobusqa mınbei bärıbır jüre almaidy ǧoi. Aitpaqşy, ekınşı jartyjyldyqtan bastap JTEJ (jolaqy töleudıŋ elektrondy jüiesın) engızu közdelıp otyr. Onyŋ bır artyqşylyǧy – jolaqysy jıktelımdı eseppen, jürıp ötken aialdamanyŋ naqty sanyna bailanysty tölenedı.
«TŪRMYSTYŊ» JŪMYSY TŪRALAP JATYR
Gafur Baktugulov:
– Kerei-Jänıbek handar köşesındegı 9-üidıŋ tūrǧyny retınde turasyn aitaiyn: osy üidı kütıp ūstauǧa, äsırese, tūrǧyndardyŋ qauıpsız jürıp-tūruyn qamtamasyz etuge mındettı «Tūrmys» JŞS-nıŋ jūmysy tūralap jatyr. Keşe jel ötınde bylǧaŋdap tūrǧan qaptama taqtaşany videoǧa tüsırıp aldym, ol kez kelgen uaqytta adamnyŋ basyna tüsıp nemese maşinaǧa qūlap, maiyp qyluy mümkın. Qūdai üşın bızdı «Tūrmystan» qūtqaryŋdarşy, äbden şarşatty, olardyŋ özderıne de, sözderıne de senuden qaldyq. Şydamymyz tügesıldı…
Mäsele 3 künde şeşımın tapty.
Tūrǧyn üi inspeksiiasy basqarmasy:
– Qūrmettı Gafur, Astana qalasy äkımınıŋ saityndaǧy «Tūrmys» JŞS-ne qatysty şaǧymyŋyzdy qarap, mynany habarlaimyz: qalalyq Tūrǧyn üi inspeksiiasy basqarmasynyŋ qyzmetkerlerı Kerei-Jänıbek handar köşesındegı № 9 üidıŋ qasbetınıŋ tehnikalyq jai-küiın tekserıp kördı. 2015 jyldyŋ 9 şıldesınen bastap «Stroiİnvest» JŞS – qūrylys kompaniiasy tūrǧyn üidıŋ qasbetındegı qaptama taqtaşalardyŋ aqauyn joiyp, bülıngenın auystyru jūmystaryn jürgızbekşı. Eger de qyzmet körsetuşı kompaniia jūmysy päter ielenuşılerdı qanaǧattandyrmasa, Qazaqstan Respublikasynyŋ «Tūrǧyn üi qatynastary turaly» zaŋynyŋ 42-babynyŋ 1-tarmaǧyna säikes olar özderınıŋ jalpy jinalysyn ötkızıp, kün tärtıbıne kondominium nysanyn basqaru türın taŋdau nemese özgertu turaly mäsele köteruge qaqyly.
ŞYNJYR KERIP KETKENI – NE ETKENI?!.
Rahmedin Ziiarov:
– Keşe qan taratyp, boi sergıtu üşın «Sporttaim» keşenıne kelgen edım, maşina qaŋtaratyn jer taba almai, şyr ainaldym. Tūraqjaidaǧy oryndardy bıreuler şynjyr kerıp, qorşap alypty. Būl zaŋdy ma? Qaidam… Ärkım öz betınşe bilık jürgızıp, qoǧamdyq jerdı qalauynşa qorşap alu beibastaqtyq qoi. Osyǧan şara qoldanularyŋyzdy sūraimyn.
Mirzoian köşesındegı 25-üi, tūraqjai üidı boilai, TQS-ǧa qarsy ornalasqan.
Mäsele 6 künde şeşımın tapty.
Almaty audany äkımınıŋ apparaty:
– Qūrmettı Rahmadin! Sızdıŋ şaǧymyŋyzda körsetılgen mäsele rastalǧanyn, qazırgı kezde tūraqjaidaǧy qorşau alynyp tastalǧanyn habarlaimyz.
«QAQPAǦY JOQ QŪDYQTAN QORQAM…»
Abzal Alpysbaev:
– Qūrmettı Astana qalasynyŋ äkımı, Chehoev köşesındegı 1-üidıŋ aulasynda kärız qūdyqtarynyŋ qaqpaǧy aşyq-şaşyq jatyr, keneresıne deiın jūlyp äketken, ony künde jauyp, qymtap älekpız. Būlar «Astana su arnasyna» tiesılı eken. Bır şara qoldanbasaŋyzdar, bıreu-mıreu qūdyqqa qūlap kete me dep qorqamyn.
Mäsele 3 künde şeşımın tapty.
Saryarqa audany äkımınıŋ apparaty:
– Qūrmettı Abzal Alpysbaiūly! Sızdıŋ hatyŋyzda mazmūndalǧan mäselege orai mynany habarlaimyz: 8 şılde künı «Astana- Su arnasy» MKK qyzmetkerlerı atalǧan mekenjaidaǧy qūdyqtardyŋ auzyn jauyp, bıtedı.
QAJYMŪQANDA ALAŊ BAR QİRAP QALǦAN
Tatiana Kaznacheeva:
– Qajymūqan köşesındegı 6-üidıŋ balalar oinauǧa arnalǧan alaŋqaiynyŋ jasalǧanyna elu jyldai bolyp qaldy, bıraq, jiyrma jyldan berı jöndeu körgen joq. Oryndyqtary qirap, metall konstruksiialary maiqamdalyp jatyr.
Mäsele 7 kün ışınde şeşımın tapty.
Almaty audany äkımınıŋ apparaty:
– Qūrmettı Tatiana! Sızdıŋ hatyŋyzdy qarap, Astana qalasyn abattandyru, sanitariialyq tūrǧydan kütıp ūstau, aumaqta jinap, tazalau erejesınıŋ 4.2-tarmaǧyna säikes mynany habarlaimyz: kondominium basqaruǧa nemese tūrǧyn üidı basqaruǧa mındettı organ abattandyru jūmystary aiaqtalǧan soŋ qaramaǧandaǧy mülıktı kütıp ūstap, auladaǧy kır jaiatyn, sportpen şūǧyldanatyn jäne balalar oinaityn alaŋdardy, şaǧyn arhitekturalyq pışımderdı (oryndyqtardy, qoqys salǧyştardy jäne t.b.) jyl saiyn jöndep şyǧuǧa tiıstı. Qosymşa aitarymyz: atalǧan mekenjaidaǧy üi aulasyna jaŋadan oiyn jäne sport alaŋyn salu jönınde joba jasaldy. Ol tiıstı qarjy bölıngen jaǧdaida 2016 jyly jüzege asyrylady.
«ŪIаLTTYŊ MENI, ÜŞ ÄRIP…»
İgor Bogrianskii:
– Sälematsyzdar ma! «Komsomolskii» tūrǧyn alabyndaǧy transformator qūjyrasyna jazylǧan boǧauyz sözdı sürtıp tastaŋyzdarşy. Mūnda diplomatiialyq ökıldıkter köp ornalasqan, tıptı, yŋǧaisyz eken, «astana» degen atymyzǧa mın ǧoi. Nebärı üş ärıpten qūralǧan orysşa ataudy öşırıp tastauǧa älgı nysandy ielenetın kommunaldyq qyzmettıŋ nemese energetikterdıŋ de şamasy keledı ǧoi…
Mäsele 11 künde şeşımın tapty.
Esıl audany äkımınıŋ apparaty:
– Qala äkımı saityna jazǧan hatyŋyzǧa bailanysty «Komsomolskii» tūrǧyn alabyndaǧy şaǧyn transformator stansasyn qarap, syrtyna boǧauyz söz jazylǧanyn anyqtadyq. Ony «Astana – REK» AQ qyzmetkerlerı öşırıp tastady.
ATAKENTTI JAILAǦAN ALBATY İIS
darya RL:
– Atakent tūiyq köşesınde būryn köpşılıkke arnalaǧan äjethana bar edı, bıraq keiın onyŋ qalqasyn būzyp tastady; endı älgı aşyq jatyr, näjıs pen qoqys közge şyqqan süieldei körınedı, sasyq iısı köşenı jailap alǧan. Osyǧan şara qoldanyp, berekesız tırlıkke – antisanitariialyq albatylyqqa nükte qoiularyŋyzdy ötınemın. Sol maŋaida balalar oinaidy, öitkenı…
Mäsele 9 künde şeşımın tapty.
Saryarqa audany äkımınıŋ apparaty:
– Sızdıŋ Atakent köşesındegı iesız qalǧan äjethana mäselesı jönındegı şaǧymyŋyz audan äkımı apparatynda qaraldy. Atalǧan kemşılıkter joiylǧanyn habarlaimyz.
Astana qalasy äkımınıŋ www.astana.gov.kz saity materialdary boiynşa daiyndaldy.
Maqsot IZIMŪLY
