Būryn köpşılık bır japyraq anyqtama qaǧaz üşın ūzaq-sonar kezekke tūryp, bar uaqytyn zaia ketıretın.
Al qazır elektrondy äkımdık ıske qosylǧaly astanalyqtar bıraz memlekettık qyzmetter türıne üiden şyqpai-aq, qol jetkızetın boldy.
Jūrtşylyqqa elektrondy qyzmet körsetudıŋ jüiesı ekı qauıpsızdık satysynan tūrady. Onyŋ bırı – veb-portalǧa (www.e.astana.kz) qosylu kanalynyŋ qorǧaluy bolsa, ekınşısı – identifikasiialyq nomer (JİN) arqyly berıletın tapsyrysty qosymşa rastauǧa arnalǧan arnaiy elektrondy sandyq qoltaŋbalar (ESQ). Elektrondy sandyq qoltaŋbany qazırden bastap elektrondy ükımettıŋ e.gov.kz saitynan, sondai-aq, qaladaǧy halyqqa qyzmet körsetu ortalyqtarynan aluǧa bolady.
«Veb-portaldy qūrudaǧy basty maqsat – tūrǧyndarǧa asa qajettı, sūranysy joǧary memlekettık qyzmetterdıŋ qoljetımdılıgın arttyru jäne tūrǧyndardyŋ uaqytyn ünemdeu. Qyzmet körsetudıŋ jedeldıgı sondai, azamattar kez kelgen uaqytta internet arqyly qajettı anyqtama qaǧazdaryna tapsyrys berıp, qajettı mälımetterın jyldam ala alady», – deidı Astana qalasy äkımdıgınıŋ Memlekettık qyzmetter körsetu sapasynyŋ saqtaluyn baqylau jönındegı bölımınıŋ jetekşısı Ruslan Beşeev.
Bügınde elektrondy äkımdık arqyly memlekettık tūrǧyn üi qorynan tūrǧyn üige nemese jeke tūrǧyn üi qorynan jergılıktı organ jaldaǧan tūrǧyn üige mūqtaj azamattardy esepke alu jäne kezekke qoiu, 18 jasqa deiingi balalary bar otbasylarǧa memlekettik järdemaqylar taǧaiyndau, balabaqşaǧa balalardy kezekke qoiu nemese mektepke deiıngı balalar ūiymdaryna joldama beru üşın mektep jasyna deiıngı (7 jasqa deiıngı) balalardy tırkeu, Semei iadrolyq synaq poligonynda iadrolyq synaqtardyŋ saldarynan zardap şekken azamattardy tirkeu jäne esepke alu syndy bas-aiaǧy 19 memlekettık qyzmet türın aluǧa bolady. Biyl elektrondyq memlekettık qyzmetter tızılımıne Tabiǧi resurstar jäne tabiǧatty paidalanudy retteu basqarmasynyŋ II, III, IV sanattaǧy käsıporyndarǧa qorşaǧan orta emissiialaryna rūqsat beru jäne äketıletın jäne äkelınetın mädeni qūndylyqtardyŋ boluy turaly sertifikat beru qyzmetterı qosylmaq.
Bügınde elektrondy äkımdık qyzmetın paidalanuşylar qatary künnen künge köbeiıp kele jatqan körınedı. Elektrondy portal qyzmetın künıne orta eseppen 50-60 adam paidalanyp, şamamen 120 memlekettık qyzmet türın alady eken.
Elektrondy äkımdık arqyly köpşılıktıŋ eŋ köp paidalanatyn qyzmetı balalardy balabaqşaǧa esepke qoiu eken. Biyl segız aidyŋ ışınde osy arqyly 12 440 baldyrǧan mektepke deiıngı mekemege kezekke qoiylǧan. Jalpy elektrondy qyzmet türlerı tūrǧyndarǧa öte qolaily. Äsırese, uaqyty ünemı jetpei jüretın astanalyqtar üşın tiımdı. E-äkımdık qyzmetın paidalanu kürdelı de emes. Veb-portalǧa elektrondy sandyq qoltaŋba arqyly tırkelseŋız jetkılıktı. Osylaişa, basty bettı aşyp, ondaǧy özıŋızge qajettı qyzmet türın taŋdaisyz. Medisinalyq preparattardy ızdeu, tūrǧyn üige, balabaqşaǧa tırkelu qyzmetterınıŋ bärı qaz-qatar tızılıp tūr. Kommunikasiialyq tölemderdıŋ tübırtegın de osy betten tauyp alasyz.
Al eger elektrondy portaldyŋ qyzmetınıŋ sapasyna bailanys-ty nemese qandai da bır qyzmet türın ala almai jatsaŋyz, onda 55-66-55 telefonyna qoŋyrau şaluyŋyzǧa bolady. Bügınde elektrondy äkımdık portalyna jaŋa baǧdarlamalar engızıle bastalypty. Osyǧan bailanysty ara-kıdık tehnikalyq aqaular kezdesuı mümkın, bıraq, būl uaqytşa jaǧdai deidı mamandar.
Memlekettık mekemelerdıŋ qyzmetın avtomattandyruǧa jäne qyzmetkerler jūmysynyŋ aşyqtyǧyn arttyruǧa mümkındık beretın jobany Astanada aiyna 4 myŋǧa juyq adam paidalanady eken.
Qymbat TOQTAMŪRAT
