Būryn mūǧalımder qauymy elektrondy oqulyqtardy kündelıktı jūmysynda paidalanu turaly oilanbaǧan bolsa, bügınde olardyŋ köpşılıgı jaŋa qūraldarǧa süienetını ras.
Qazırgı uaqytta elektrondy oqulyqtar tehnologiiasy turaly köptegen dau-damai, aluan türlı tüsınık bar. Köpşılık būl elektrondy resursty engızudı qoldasa, keibıreulerı qarsy.
Sonymen, elektrondy oqulyq degenımız ne jäne onyŋ zamanaui bılım beru mekemesındegı rölı qandai? Osyǧan tolyǧyraq toqtalaiyq.
Elektrondy oqulyq – oqu kursyndaǧy bılım aluşyny öz betınşe oqu mümkındıgımen qamtamasyz etetın baǧdarlamalyq-ädıstemelık keşen. Oqulyq teoriiany, anyqtamalyqtardy, zerthanalyq praktikumdy, diagnostikalyq jüienı jäne basqa ūqsas komponentterdı qamtityn bırıktırılgen qūral bolyp tabylady. Oqulyqtarda bılım aluşy belgılı bır prosesterdı beineleitın beineklipterdı, mätındı, statistikalyq syzbalar men diagrammalardy dästürlı türde körsetu ūsynylady.
Bılım beru barysynda qazaqstandyq oqytuşylar men oquşylar TopIQ.kz platformasyndaǧy elektrondy oqulyqtardy paidalana alady. Atalmyş baǧdarlama Qazaqstan Respublikasy Ǧylym jäne joǧary bılım ministrlıgı bekıtken bılım beru standartyna, oqu baǧdarlamasyna, bılım mazmūnyna sai keledı. Elektrondy oqulyq platformasy barlyq pänder boiynşa 1-11 synyptarǧa arnalǧan «Oqu materialdarynyŋ kıtaphanasyna» bırıktırılgen. Platformada audio, beine körınıs, diagrammalar, qosymşa aqparat, tapsyrmalar jiyny ornatylǧan.
Eŋ maŋyzdysy, startap joba mektepke auyr sömke tasymai, aqparatty onlain aluǧa kömektesedı.
Elektrondy basylymdarda ärtürlı aqparattyq tehnologiialardy paidalanu dästürlı oqulyqqa qaraǧanda aitarlyqtai didaktikalyq artyqşylyqtarymen erekşelenedı. Bırınşıden, multimediialyq tehnologiia aqparattyŋ jarqyn jäne körnekı körsetılımı bar oqu ortasyn jasaidy, būl äsırese mektep oquşylary üşın tartymdy. Ekınşıden, materialdy oqudyŋ jeke shemasyn taŋdauǧa bolady. Üşınşıden, materialdy zertteu traektoriiasyn qadaǧalauǧa jäne baǧyttauǧa mümkındık beredı, osylaişa kerı bailanysty qamtamasyz etedı. Törtınşıden, mätınde şekteusız basqa materialǧa sıltemeler bar, oqulyqta sabaqqa qajettı beinematerialdardyŋ boluy mūǧalımnıŋ sabaqqa daiyndaluyn jeŋıldetedı.
Men üşın būl platforma öte yŋǧaily jäne uaqytymdy ünemdeitın elektrondy oqulyq. Sondai-aq elektrondy oqulyqta bılım aluşy materialdy oqyp bolǧannan keiın bırden tekseruge mümkındık beretın baqylau synaqtary bar. Testıleuden ötkennen keiın bılım aluşylar özderınıŋ barlyq qatelerı men kemşılıkterın bırden köre alady. Mūǧalım būl qatelerdı de köredı, būl bılım aluşylardyŋ qai jerde olqylyq bar ekenın jäne nege nazar audaru kerektıgın tüsınuge mümkındık beredı.
Elektrondy oqulyqtar baǧytyndaǧy taǧy bır artyqşylyq – qaǧazǧa qaraǧanda salmaǧy az. Būl maŋyzdy körsetkış, öitkenı bız bärımız jas ūrpaqtyŋ densaulyǧyn saqtauǧa tyrysamyz. Kädımgı oqulyqtan elektrondy nūsqaǧa köşu prosesınıŋ kürdelılıgı ärbır mūǧalımnıŋ būl jaŋalyqty tez rettep, qabyldai almaityndyǧyna bailanysty. Sonymen qatar, eger qazırgı mektep oquşylarynyŋ «qysqaşa oilauyn» eskeretın bolsaq, onda elektrondy oqulyqtyŋ sözsız artyqşylyqtarynyŋ arqasynda oqu prosesı mektep oquşylary üşın eŋ qyzyqty jäne este qalarlyq bolady. Menıŋşe, elektrondy oqulyq bala janynyŋ baǧbany – ūstaz üşın de, auyr sömke arqalaǧan oquşy üşın de taptyrmas qūrylǧy ekenı dausyz.
Janar DÄULETQALİEVA,
himiia pänınıŋ mūǧalımı
