Elbasy Nūrsūltan Nazarbaev V halyqaralyq «KADEX-2018» qaru-jaraq jäne äskeri-tehnikalyq mülık körmesınıŋ aşylu räsımıne qatysty, dep habarlady Qazaqstan Respublikasy Prezidenttıŋ resmi saity.
Memleket basşysy räsımge qatysuşylarǧa arnalǧan sözınde «KADEX-2018» körmesı aiasynda «Qazaqstandaǧy ǧaryş künderı» atty halyqaralyq forumnyŋ ötuı biylǧy şaranyŋ basty erekşelıgı ekenın atap öttı.
Qazaqstan Prezidentı «KADEX-2018» körmesınıŋ qaru-jaraq pen aqparattyq qauıpsızdıktı qamtamasyz etu salasyndaǧy älemdık maŋyzy bar jiynǧa ainalǧanyn aitty.
Elbasy Qazaqstannyŋ tatu körşılık pen yntymaqtastyqty nyǧaituǧa baǧyttalǧan beibıt saiasat jürgızıp otyrǧanyn atap öttı.
– Qorǧanys salasy men Qaruly Küşterdıŋ äleuetın damytu – memleket basymdyqtarynyŋ bırı. Ortalyq Aziia boiynşa bıregei sanalatyn «KADEX» halyqaralyq körmesı būl basymdyqtardy ıske asyrudyŋ tiımdı qūraly bolyp tabylady, – dedı Memleket basşysy.
Qazaqstan Prezidentı elımızdıŋ qorǧanys önerkäsıbı keşenın damytu üşın halyqaralyq körmenı ötkızudıŋ tiımdılıgıne toqtaldy.
– Biyl körmege qatysu üşın älemnıŋ 40 elınen resmi delegasiialar men şeteldık 108 kompaniia basşylary keldı. Qol qoiylatyn ıskerlık kelısımder men şarttar otandyq jäne şeteldık qorǧanys önerkäsıbı keşenınıŋ käsıporyndary arasyndaǧy halyqaralyq kooperasiia men serıktestıktı damytuǧa septıgın tigızetın bolady. Sondai-aq, būl investisiia tartyp, jalpy Qazaqstan ekonomikasynyŋ eksporttyq äleuetı men bäsekege qabılettıgın arttyruǧa yqpal etedı, – dedı Nūrsūltan Nazarbaev.
Körmenıŋ aşylu räsımı aiaqtalǧannan keiın Elbasy «Qazaqstan İnjiniring» ūlttyq kompaniiasynyŋ, Resei men Qytaidyŋ pavilondaryn aralap kördı.
