1991 jyldyŋ 1 jeltoqsanynda eldıŋ tılegımen, halyqtyŋ qoldauymen Nūrsūltan Nazarbaev egemen elımızdıŋ P rezidentı bolyp sailandy. Özınıŋ taǧdyry men elınıŋ taǧdyry toǧysqan osy bır syndarly kezeŋde Elbasy «Men halqymnyŋ täuekelıne sendım. Öz halqymnyŋ jolynda basymdy bäigege tıkken adammyn. Maǧan osyndai tektı halyqqa, arǧy-bergıdegı qazaq balasynyŋ peşenesıne būiyrmaǧan baqytty – täuelsız memleket qūrudyŋ baqytyn būiyrtqan halyqqa qyzmet etuden artyq baqyt joq, osy jolda men bar qairat-qabıletımdı, bılım-bılıgımdı aiamai jūmsaimyn, qandai da täuekelge baramyn…» dep jürekjardy sözın aitqan bolatyn.
Mıne, sodan berı Elbasy el-jūrtyna arqa süiep keledı, al halqy bolsa Tūŋǧyş Prezidentıne degen senımın joǧaltpai, onyŋ bastaǧan baiandy ısterın qoldap keledı. Bügıngı taŋda Tūŋǧyş Prezident künıne arnalyp ötkızılıp jatqan igı ıs-şaralar sol senım men qūrmettıŋ aişyqty aiǧaǧy bolsa kerek. Tūŋǧyş Prezident künıne jäne el täuelsızdıgınıŋ 30 jyldyǧyna orai elordadaǧy joǧary kölık jäne kommunikasiia kolledjınde «Elın süigen, elı süigen Elbasy!» atty jas aqyndardyŋ dästürlı jyr müşäirasy öttı.
Täuelsız Qazaqstannyŋ damuyna eren eŋbek sıŋırgen Elbasyna ülken qūrmet körsetıp, oǧan degen şynaiy süiıspenşılıktı jyrlau, sondai-aq jas aqyndardyŋ Elbasyna arnaǧan öleŋ-jyrlaryn jūrtşylyqqa jetkızu maqsatynda ötkızılgen būl müşäiraǧa tehnikalyq jäne käsıptık bılım beru mekemelerınde bılım alatyn jas aqyndar qatysty.
– Qos mereke qarsaŋynda ötkızılıp otyrǧan şaranyŋ maŋyzy zor. «El namysyn er saqtar, er ataǧyn el saqtar» degendei, Elbasymyzdyŋ eren eŋbegın baǧalap, jyl saiyn osyndai jyr müşäirasyn ötkızıp kele jatqan Joǧary kölık jäne kommunikasiia kolledjıne alǧysymyzdy bıldıremız. Ekınşı tūrǧydan alǧanda, tehnikalyq jäne käsıptık kolledjınde bılım alyp jatqan tülekterdıŋ bılımın jan-jaqty jetıldırıp, osyndai tamaşa jyrlar jazǧany quantady, – dedı qalalyq bılım basqarmasy käsıptık jäne bılım beru bölımınıŋ basşysy Aqmaral Rahmetollaqyzy.
Qazylar alqasynyŋ şeşımı boiynşa bas bäigenı Joǧary kölık jäne kommunikasiia kolledjınıŋ studentı Nūrjan Baiqadamov ielense, Orazai Mūhammad I oryn, Būǧybai Asylan II oryn, Qūlpynai Parahatova men Smaǧūl Aldiiar III oryn aldy.
