Elordada Digital Bridge II halyqaralyq tehnologiialyq forum öttı. Alqaly jiynda jetekşı IT-mamandar men käsıpkerler sifrlyq damu salasyndaǧy täjıribelerımen jäne innovasiialyq şeşımderımen almasty. Şara qorytyndysynda Nūr-Sūltan qalasynyŋ äkımdıgı sifrlandyrudyŋ üzdık keŋsesı atanyp, Digital Bridge Awards syilyǧyn ielendı.
Forumǧa qatysqan Nūr-Sūltan qalasy äkımınıŋ orynbasary Malika Bektūrova bas qalada sifrlandyru baǧytynda atqarylyp jatqan jūmystarmen tanystyrdy. Qazırgı kezde elordada belgılı bır mäselelerdı şeşuge arnalǧan bırqatar smart jobalar jüzege asyryluda. Smart Astana qoldanbasy – memlekettık jäne kommersiialyq 70-ten astam servister men qyzmetterdı körsetuge baǧyttalǧan. Sonyŋ ışınde därıgerdıŋ qabyldauyna jazylu, ony üige şaqyrtu, aiyppūldar men äkımşılık būzuşylyqtardy tekseru, därıgerdıŋ reitingın qarau, eŋbekke jaramsyzdyq paraǧyn jäne keŋ taralǧan anyqtamalardy «şynailyǧyn» tekseru, «belsendı tūrǧyn» qyzmetterı bar. Sifrlandyrudyŋ arqasynda elorda tūrǧyndary qala mäselelerın şeşuge qatysyp, ūsynystaryn joldai alady. Saualnamalardy toltyra otyryp, syilyqqa almastyryp aluǧa bolatyn ūpailar jinaidy. Mūndai syilyqtardyŋ bırı – Smart Astana mobildık qoldanbasyndaǧy «Atameken» ŪKP daiyndaǧan saualnama-skrining. Sony toltyryp, «Astana» – «Manchester Iýnaited» matchyna biletter ūtyp aluǧa bolady.
Biylǧy qaŋtar aiynda Saryarqa audany äkımdıgınde «Biudjetke qatysu» jobasy ıske qosylǧan bolatyn. Mūnda tūrǧyndar qalalyq ortany jaqsartu boiynşa öz jobalaryn ūsynyp, ony jüzege asyruǧa 500 mln teŋgege deiın ūtyp alu mümkındıgıne ie boldy.
Qazır qalada aşyq derekter portaly (Open Data) damytylyp otyr. Būl 8 sala (bılım beru, densaulyq saqtau, kölık, TKŞ, qala qyzmetterı, ekologiia, jaŋalyqtar men ıs-şaralar) boiynşa 20 derek jiyntyǧyn ūsynady. Halyqtyŋ sūranysyna ie üzdık 5-tıkke mektepter men balabaqşalar turaly aqparat, auruhanalar men emhanalar jaily mälımetter, 109 qyzmetıne jügınu, avtobustardyŋ onlain qozǧalysy turaly derekter, sondai-aq PİK tızımı kıredı.
Sonymen qatar, «Big Data» jobasy da belsendı jüzege asyrylyp keledı. Būl – jasandy intellekt negızınde bolaşaq jaǧdailardy boljau jäne ülgıleu üşın ülken kölemdı derekterdı basqaratyn jäne taldaityn aqparattyq jüie. Elordada 100% qazaqstandyq önım engızılgen. Bügıngı künı jüie 307 baqylau nysandary boiynşa 104 derekközın bırıktıredı.
Nūr-Sūltan qalasynyŋ tūrǧyndary balabaqşaǧa, mektepke nemese kolledjge onlain jazyla alady. Pedagogtardyŋ attestattaudan ötu prosesı avtomattandyrylǧan. Barlyq bılım beru ūiymdary internet jelısıne qosylǧan. Mektepterde bıregei tölem jüiesı engızılıp jatyr: bır karta – üş şeşım. Būl ashanada aqşasyz esep aiyrysudy, jolaqysyn töleu jäne balanyŋ sabaqqa keluın qadaǧalaudy bırıktıredı. Barlyq mektepter robototehnika bölmelerımen jabdyqtalǧan. 36 mektepte STEM zerthanalary aşylyp, balabaqşalar bazasynda robototehnika negızderın zertteu jönındegı 20 alaŋ ıske qosyldy.
Elordada alǧaş ret jeke balabaqşalarda inkliuzivtı mektepke deiıngı bılım beruge memlekettık tapsyrys ornalastyryldy. Biylǧy 1 qaŋtardan bastap jeke balabaqşalardaǧy memlekettık tapsyrysty jüzege asyru audan äkımdıkterınen Nūr-Sūltan qalasynyŋ Bılım basqarmasyna berıldı. Elektrondy tabelder engızıldı.
